გიორგი კოსტანიანი

დაბადების ადგილი: ქ. თბილისი.

დაამთავრა ამიერკავკასიის ენერგეტიკული ინსტიტუტი 1934 წელს და მიიღო ინჟინერ-ელექტრიკოსის კვალიფიკაცია.

ინსტიტუტში სწავლის პერიოდში მუშაობდა ამიერკავკასიის ენერგოსისტემაში, სადაც გააგრძელა მუშაობა ინსტიტუტის დამთავრების შემდეგ. 1936-1937წწ. მუშაობდა სომხეთის ენერგოსისტემაში; 1938 წლიდან - "საქენერგოში", იყო სარელეო დაცვისა და ავტომატიკის ცენტრალური სამსახურის უფროსის მოადგილე, სარელეო დაცვის ჯგუფის ხელმძღვანელი; 1950-1954წწ. - "საქენერგოპროექტის" ავტომატიკის სექტორის ხელმძღვანელი. 1954 წლიდან გარდაცვალებამდე მუშაობდა ენერგეტიკისა და ენერგეტიკულ ნაგებობათა სამეცნიერო-კვლევით ინსტიტუტში უფროსი მეცნიერ-თანამშრომლის თანამდებობაზე. გამოაქვეყნა 60-მდე სამეცნიერო-ტექნიკური ხასიათის სტატია, შეასრულა 50 განაცხადი გამოგონებებზე, მიიღო 20 სსრკ საავტორო მოწმობა. საქართველოსა და სომხეთის ენერგოსისტემებში დანერგა რაციონალური წინადადებები. მიღებული აქვს სახელმწიფო ჯილდოები. ტექნიკურ მეცნიერებათა კანდიდატი (1946), ტექნიკურ მეცნიერებათა დოქტორი (1965).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.177

• 1962 - საქართველოს დამსახურებული გამომგონებელი
• შრომის წითელი დროშის ორდენი