ჟორა კოტრიკაძე

დაბადების ადგილი: ჩოხატაურის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1955 წელს.

სამუშაოდ გააგზავნეს უკრაინაში, ქ. გორლოვკაში. უკრაინიდან დაბრუნების შემდეგ მუშაობა დაიწყო "საქენერგოს" ცენტრალურ ლაბორატორიაში ინჟინრად, ჯგუფის უფროსად, სამსახურის უფროსად. მუშაობდა სხვადასხვა ენერგოობიექტების გაწყობით სამუშაოებზე. 1966 წელს გადაიყვანეს მარნეულის ელექტროქსელის მთავარ ინჟინრად; 1980 წლიდან იყო ამავე ქსელის დირექტორი; 1989 წლიდან - "საქენერგოს" მაღალი ძაბვის ხაზების სამმართველოს უფროსი, შემდეგ წლებში კი "საქენერგოს" ლაბორატორიის დირექტორი, სადაც სიცოცხლის ბოლომდე მუშაობდა. დამსახურებული რაციონალიზატორი. მიღებული ჰქონდა მთავრობის მრავალი ჯილდო.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.180

• საქართველოს დამსახურებული ინჟინერი