აპოლონ გადელია

დაბადების ადგილი: სოფელი ჭყონი, გეგეჭკორის რაიონი (ახ. მარტვილის მუნიციპალიტეტი).

დაამთავრა ქ. ხაბაროვსკის იურიდიული ინსტიტუტი სამართალმცოდნეობის სპეციალობით 1973 წელს.

გავლილი აქვს სამხედრო სავალდებული სამსახური ქ. ხაბაროვსკში; საბჭოთა არმიის ხელმძღვანელობის რეკომენდაციით, წარმატებით ჩააბარა მისაღები გამოცდები და ჩაირიცხა ქ. ხაბაროვსკის იურიდიულ ინსტიტუტში, იყო ჯარისკაცი სტუდენტი; ინსტიტუტის დამთავრების შემდგომ მუშობდა ქ. ხაბაროვსკის შს სამმართველოში სხვადასხვა თანამდებობებზე; 1977 წლიდან გადმოყვანილ იქნა საქართველოს შინაგან საქმეთა სამინისტროს სისტემაში სამუშოდ; მას მიღებული აქვს შინაგან საქმეთა ორგანოებში მუშაობის დიდი გამოცდილება - რიგითი ოფიცრიდან ღირსეულად განვლო გზა პოლკოვნიკის ჩინამდე (ჩათვლით) სამართალდამცავ სტრუქტურებში, სხვადასხვა ხელმძღვანელ თანამდებობაზე და ოპერატიულ სამძებრო - საგამოძიებო განმახორციელებელ სტრუქტურებში; ა. გადელია 1989 წლის 9 აპრილის ტრაგედიის ეპიცენტრის მონაწილეა; იგი კოლეგებთან ერთად შიშველი ხელებით წინ აღუდგა ორლესულ ნიჩბოსან სპეცდანიშნულების რუს მედესანტეებს და სიკვდილს გადაარჩინა ასეულობით მშვიდობიანი მომიტინგე; მუშაობდა შინაგან საქმეთა სამინისტროს დაქვემდებარებულ საქალაქო და რაიონულ ორგანოებში, სოციალისტური საკუთრების მტაცებლობის, სპეკულაციისა და მექრთამეობის წინააღმდეგ მებრძოლ სამსახურში, საქართველოს საგადასახადო ინსპექციის ოპერატიულ სამსახურსა (სამმართველოს უფროსად) და საგანგებო ლეგიონში (შტაბის უფროსად 2000-2003 წწ.); 2004 წლიდან იგი ეწევა საადვოკატო საქმიანობას; როგორც პროფესიონალ ადვოკატს, სასამართლო დარბაზიდან გათავისუფლებული ჰყავს ათობით პიროვნება; არის 7 წიგნის და ასობით პუბლიკაციის ავტორი; მისი წიგნები ეხება სამართალმცოდნეობის საკითხებს, მათ კომენტარებს, საიდუმლო და საჯარო წესებსა და ინსტრუქციებს; მისი სახელმძღვანელოები განკუთვნილია - მოსამართლის, გამომძიებლის, პროკურორის, ადვოკატის, სოციალური მუშაკის, მედიატორის, პრობაციის ოფიცრის, არასრულწლოვანთა სარეაბილიტაციო დაწესებულების პერსონალის, შესაბამისი საპატიმრო დაწესებულების პერსონალის სტუდენტებისა და ფართო საზოგადოებისათვის გამოსაყენებლად; გამოსაცემად მზად აქვს წიგნი - "ნაფიც მსაჯულთა სახელმძღვანელოს ნიმუში" უმაღლესი სასწავლებლებისათვის; აქტიურად მუშაობს სახელმწიფო პენსიის გაზრდის საკითხზე. სამართლის აკადემიკოს-მკვლევარი, ანალიტიკოსი, ომისა და სამხედრო ძალების ვეტერანი (მეორე ჯგუფის ინვალიდი), იურიდიულ მეცნიერებათა დოქტორი, პროფესორი, სამართლის აკადემიკოსი. 

• გაზეთ "თემიდა", დამფუძნებელი, მთავარი რედაქტორი (2021-)
• თინათინ წერეთელის სახელობის საქართველოს სამართლის მეცნიერებათა მრავალპროფილიანი საერთაშორისო აკადემია, აკადემიკოსი (2021-)
• თინათინ წერეთელის სახელობის საქართველოს სამართლის მეცნიერებათა მრავალპროფილიანი საერთაშორისო აკადემია, პრეზიდენტი (2020-)
• სამართლიანობის აღდგენისათვის მებრძოლი ორგანიზაცია, დამფუძნებელი, თავმჯდომარე (2016-)
• საქართველოს ადვოკატთა ასოციაცია, წევრი, ადვოკატის საერთო სპეციალიზაციით - სისხლი, სამოქალაქო, ადმინისტრაციული და არასრულწლოვანთა მართლმსაჯულების განხრით (2007-)
• საქართველოს ადვოკატთა კოლეგია, წევრი (2004-2007)
• საქართველოს ეროვნული პენსიონერთა საერთაშორისო კავშირი, დამფუძნებელი, თავმჯდომარე (2021-)
• საქართველოს მწერალთა კავშირი, წევრი (2020-)
• საქართველოს მწერალთა, მეცნიერთა და საზოგადო მოღვაწეთა საერთაშორისო აკადემია "ქალდეა საქართველო", პრეზიდენტი (2019-)

• 2001 - ღირსების ორდენი
  საქართველოს ტერიტორიული მთლიანობისათვის ბრძოლის დროს გამოვლენილი მაღალი მოქალაქეობრივი პასუხისმგებლობისათვის, ნაყოფიერი საქველმოქმედო და აქტიური საზოგადოებრივი საქმიანობისთვის
• 1988 - მედალი "უზადო მუშობისთვის" I ხარისხის
• 1984 - მედალი "მილიციის ფრიადოსანი"
• 1984 - მედალი "უზადო მუშობისთვის" II ხარისხის
• 1981 - მედალი "უზადო მუშობისთვის" III ხარისხის
• 1976 - მედალი "საბრძოლო დამსახურებისთვის"

• სასამართლო დარბაზიდან (Author). - თბილისი, უნივერსალი, 2020. - 652გვ.. - ISBN: 9789941267703