ვანო ლუარსამიძე

დაბადების ადგილი: ქ. თბილისი.

დაამთავრა თბილისის საოსტატო ინსტიტუტთან არსებული საქალაქო 6-კლასიანი სასწავლებელი 1885 წელს.

მსახურობდა თბილისის სახაზინო პალატაში გადამწერად (1887), დუშეთის ხაზინაში მოანგარიშედ (1896 წლიდან), თბილისის ხაზინაში ბუღალტრად (1903 წლიდან), საიდანაც როგორც არაკეთილსაიმედო თანამშრომელი 1910 წელს დაითხოვეს. 19 წლის ასაკში დაწერა პიესა "შევიშლები", რომელიც 1888-1889 წლებში იდგმებოდა სცენაზე. 1896 წლიდან "ცნობის ფურცელში" ათავსებდა კორესპონდენციებს, 1897-1901 წლებში "ივერიაში" აქვეყნებდა პატარა მოთხრობებს და ფელეტონებს. 1914-1915 წლებში გაზეთ "თანამედროვე აზრში" წერდა პუბლიცისტურ შენიშვნებს; 1922-1926 წლებში იყო გაზეთ "მუშის" და "კომუნისტის" კორესპონდენტი. დუშეთში მისი თაოსნობით დაარსდა ალექსანდრე როინაშვილის სახელობის წიგნთსაცავ-სამკითხველო.

წყარო: ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.883

• "შავიშლები" : კომედია ორს მოქმედებად (ავტორი). - თბილისი, (ი. მესხიევის და ს.ა. პოლეტაევის სტ.0, 1890. - 16გვ.
• ლექსნი სალდათობაზე (ავტორი). - თბილისი, (მ. ვართანოვის სტ.), 1887. - 16გვ.