ავთანდილ ლობჟანიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი, სპეციალობით "მარგი წიაღისეულის საბადოთა დაზვერვის ტექნიკა და ტექნოლოგია" 1973 წელს და მიენიჭა სამთო ინჟინრის კვალიფიკაცია.

1973-1976წწ. - ტრესტ "საქნავთობის" თბილისისპირა ღრმა ბურღვის ძიებაში მბურღავის თანაშემწე, მბურღავი და ბურღვის ოსტატის მოადგილე; 1976-1981წწ. - აღმოსავლეთ საქართველოს ღრმა ბურღვის სამმართველოს წითელიწყაროს უბნის უფროსის მოადგილე და შემდეგ უბნის უფროსი; 1979-1981წწ. - "საქნავთობის" აპარატის საწარმოო განყოფილების ინჟინერი, განყოფილების უფროსის მოადგილე; 1981-1986წწ. - "საქნავთობის" დასავლეთ საქართველოს ღრმა ბურღვის სამმართველოს მთავარი ინჟინერი; 1986-1987წწ. - "საქნავთობის" ქართლის ღრმა ბურღვის სამმართველოს მთავარი ინჟინერი; 1987-1999წწ. - "საქნავთობის" კოშკსამონტაჟო სამმართველოს მთავარი ინჟინერი; 1999-2005წწ. - ქართულ-ბრიტანული ნავთობის კომპანია "კანარგო" და ქართულ-ამერიკული კომპანია "ფრონტერას" ბურღვის ტექნოლოგიის ინჟინერი; 2005-2007წწ. - სს ნავთობის ეროვნული კომპანია "საქნავთობის" საოპერაციო დეპარტამენტის უფროსის მოადგილე; 2007 წლიდან - შპს "იუნისერვის"-ის მთავარი ინჟინერი. მიღებული აქვს ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.193

• 2005 - საქართველოს ნავთობისა და გაზის მრეწველობის საპატიო მუშაკი