პლატონ წულუკიძე

დაბადების ადგილი: სოფელი ბუგეული, ამბროლაურის რაიონი.

სწავლობდა ქუთაისის კლასიკურ გიმნაზიაში, შემდგომ 1893 წელს, დაამთავრა თბილისის სამასწავლებლო ინსტიტუტი.

სასწავლებლის დამთავრებისთანავე გაიგზავნა მასწავლებლად ქ. ნახჭევანის სამოქალაქო სკოლაში; 1894 წლის 14 მაისს მონაწილეობდა ქუთაისის გუბერნიის სათავადაზნაურო არჩევნებში; 1898 წელს ქ. ნახჭევანიდან სამუშოდ გადმოდის ჯერ ბათუმის, შემდეგ სენაკის ქართულ სკოლებში და ქუთაისის სამოქალაქო სასწავლებელში; 1898 წლის 21 ივნისის გაზეთ "კვალში" დაიბეჭდა პლატონ წულუკიძის წერილი "ქუთაისის გუბერნიის თავად-აზნაურთა საყურადღებოდ"; 1900-1917წწ. მასწავლებლობდა ქუთაისი კლასიკურ გიმნაზიაში და ქალთა საშუალო სასწავლებლებში; 1951 წლამდე მუშაობდა ქუთაისის 26-ე რუსული საშუალო სკოლის დირექტორად; მას ეკუთვნის მთელი რიგი სტატიები სწავლა-აღზრდის, უმთავრესად კი რუსული ენის სწავლების მეთოდიკის საკითხებზე; მასვე აქვს შედგენილი არითმეტიკის სახელმძღვანელოები საშუალო სკოლის კლასებისათვის და რუსული ენის სახელმძღვანელო "Новый мир" ქართული სკოლის მოსწავლეთათვის, სახალხო განათლების კომისარიატის დავალებით შეადგინა სახელმძღვანელო "Русское слово" III კლასის მოსწავლეთათვის. მიღებული აქვს სახელმწიფო ჯილდოები.

წყარო: პ. გ. წულუკიძე : ნეკროლოგი - ტექსტის ბოლოს ხელმოწერა: ამხანაგების ჯგუფი // სახალხო განათლება. - თბილისი, 1957. - 13 მარტი.- № 11(585).-გვ.4

• ქართველთა შორის წერა-კითხვის გამავრცელებელი საზოგადოების ქუთაისის განყოფილება, წევრი (1913-)

• 1949 - ლენინის ორდენი
  სახალხო განათლების დარგში ხანგრძლივი პედაგოგიური მოღვაწეობისათვის
• საქართველოს დამსახურებული მასწავლებელი

• მათემატიკის სამუშაო წიგნი IV ჯგუფისათვის (ავტორი). - ტფილისი, სახელგამი, 1931. - 31გვ.
• მათემატიკურ ამოცანათა კრებული : სახელმძღვ. შრომის სკოლის მეოთხე ჯგუფისათვის (თანაავტორი). - ტფილისი, სახელგამი, 1927. - 120გვ.
• არითმეტიკულ ამოცანათა კრებული ბუნებასა და შრომის ცხოვრებაზე დამყარებული : წელიწადი მეორე : პირველი ასეული (შემდგენელი). - ქუთაისი, 1925. - 63გვ.