ევტიხ მაჭავარიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი ინჟინერ-თბოენერგეტიკოსის კვალიფიკაციით 1966 წელს; თბილისის უცხო ენათა პედადოგიური ინსტიტუტის ორწლიანი კურსები ინგლისური ენის სპეციალობით - 1968 წელს.

მისი პროექტის მიხედვით შექმნილმა სითხეების თბოგამტარობის გამოსაკვლევმა ლაბორატორიულმა დანადგარმა 1969 წელს საბჭოთა კავშირის სახალხო მეურნეობის მიღწევათა გამოფენაზე ვერცხლის მედალი დაიმსახურა. ტექნიკურ მეცნიერებათა კანდიდატი (1974), დოცენტი (1980). მისი კვლევის შედეგები დაინერგა კოსმოსურ ტექნიკაში და შეტანილია სპეციალურ საცნობარო ლიტერატურაში. 1968 წლიდან მუშაობს საქართველოს ტექნიკურ უნივერსიტეტში სხვადასხვა აკადემიურ თანამდებობაზე. 1975-1976წწ. იმყოფებოდა სამეცნიერო სტაჟირებაზე იტალიაში, მილანის ტექნიკურ უნივერსიტეტში. 1978-1984წწ. - საქართველოს ტექნიკური უნივერსიტეტის ენერგეტიკის ფაკულტეტის თეორიული და ზოგადი თბოტექნიკის კათედრის გამგე; 2006 წლიდან -  პროფესორი. გამოქვეყნებული აქვს 148 სამეცნიერო და სასწავლო მეთოდური ნაშრომი; მიღებული აქვს 12 პატენტი გამოგონებაზე; მომზადებული ყავს 4 აკადემიური დოქტორი და 15 მაგისტრანტი; არის ორი სახელმძღვანელოს თანაავტორი; სისტემატურად მონაწილეობს საერთაშორისო სამეცნიერო კონფერენციებში. მისი სამეცნიერო-კვლევითი მუშაობის მიმართულებებია: ენერგოეფექტური ტექნოლოგიების შემუშავება და სითხეების დუღილის თანმხლები ფიზიკური მოვლენების შესწავლა.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.213-214; საქართველოს ტექნიკური უნივერსიტეტი: my.gtu.ge

• საქართველოს ენერგეტიკის აკადემია, ნამდვილი წევრი (2011-)