დარეჯან მდივანი

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტი ინჟინერ-ელექტრიკოსის კვალიფიკაციით 1941 წელს.

1941-1945წწ. მუშაობდა თბილისის ტრიკოტაჟის კომბინატში მორიგე ინჟინრად; 1950-1968წწ. - "სოფელექტროპროექტში" სოფლების ელექტომომარაგების პერსპექტიული პროექტირების განყოფილებაში ინჟინრის, ჯგუფის ხელმძღვანელის, პროექტის მთავარი ინჟინრის, განყოფილების უფროსის თანამდებობებზე. მისი ხელმძღვანელობითა და მონაწილეობით დამუშავებულ იქნა მთელი რიგი პროექტები, როგორიცაა 110 კვ. ქვესადგურები: ზესტაფონი, ხაშური, ასპინძა, რუსთავი. შემუშავდა საქართველოს არაელექტროფიცირებული რაიონების, მაღალმთიანი სოფლების, ყიზლარის ზამთრის საძოვრების ელექტრომომარაგების განვითარების პერსპექტიული სქემები. 1968 წლიდან გარდაცვალებამდე მუშაობდა ინსტიტუტ "ენერგოქსელპროექტში". 1968-1974წწ. იყო პერსპექტიული პროექტირების განყოფილების მთავარი სპეციალისტი, პროექტის მთავარი ინჟინერი, განყოფილების უფროსი; 1974-1978წწ. - ეკონომიკისა და ენერგოსისტემის ექსპლუატაციის ორგანიზაციის პროექტირების მთავარი ინჟინერი, განყოფილების უფროსი. პენსიაზე გასვლის შემდეგ, 1978 წლიდან მუშაობდა "პერსპექტიული პროექტირების" განყოფილებაში ჯგუფის ხელმძღვანელად.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.221

• 1975 - საქართველოს დამსახურებული ინჟინერი