გიორგი ბადრიძე

დაბადების ადგილი: ქ. თბილისი.

1992 წელს დაამთავრა ივ. ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი (წარჩინებით); 1989 წელს იყო გაცვლითი სტუდენტი ვილიამს კოლეჯში, მასაჩუსეტსი, აშშ; 1995-1996 წწ. სწავლობდა ცენტრალური ევროპის უნივერსიტეტში (პრაღა და ბუდაპეშტი), მიიღო მაგისტრატურის ხარისხი საერთაშორისო ურთიერთობებში და ევროპულ სწავლებებში (წარჩინებით); 2004 წელს და 2006 წელს გავლილი აქვს აშშ-ის სახელმწიფო დეპარტამენტის ანტიტერორისტული კურსები, ამერიკულ უნივერსიტეტსა (AU) და მერილენდის უნივერსიტეტში. 

პროფესიული საქმიანობა:
1991 წელს იყო საქართველოს საგარეო საქმეთა სამინისტროს სტაჟიორი; 1992-1993 წწ. საქართველოს საგარეო საქმეთა სამინისტროს კულტურის დეპარტამენტის მეორე მდივანი; 1993-1994 წწ. საქართველოს საგარეო საქმეთა სამინისტროს კულტურის დეპარტამენტის პარტნიორულ ურთიერთობათა განყოფილების უფროსი; 1994-1995 წწ. საქართველოს მინისტრთა კაბინეტის აპარატის უფროსის თანაშემწე საერთაშორისო საკითხებში; 1995 წელს საქართველოს საგარეო საქმეთა სამინისტროს კულტურის სამმართველოს უფროსის მოადგილე; 1996-1997 წწ. საქართველოს საგარეო საქმეთა სამინისტროს ევროპის და ამერიკის ქვეყნების დეპარტამენტის დასავლეთ ევროპის სამმართველოს უფროსი; 1997-1998 წწ. საქართველოს საგარეო საქმეთა სამინისტროს ევროპის და ამერიკის ქვეყნების დეპარტამენტის დირექტორის მოადგილე; 1998 წელს საქართველოს საგარეო საქმეთა სამინისტროს ევროპის და ამერიკის ქვეყნების დეპარტამენტის დირექტორის მოვალეობის დროებით შემსრულებელი; 1999-2002 წწ. საქართველოს საგანგებო და სრულუფლებიანი დესპანი თურქეთის რესპუბლიკაში; 2003 წელს საქართველოს საგარეო საქმეთა სამინისტროს ამერიკის დეპარტამენტის დირექტორის მოადგილე; 2004 წელს საქართველოს საგარეო საქმეთა სამინისტროს პირველი ევროპული დეპარტამენტის დირექტორის მოადგილე; 2004-2006 წწ. საქართველოს საგარეო საქმეთა სამინისტროს ამერიკის დეპარტამენტის დირექტორი; 2007-2008 წწ. საქართველოს საგანგებო და სრულუფლებიანი დესპანი დიდი ბრიტანეთის და ჩრდილოეთ ირლანდიის გაერთიანებულ სამეფოში; 2009-2013 წწ. საქართველოს საგანგებო და სრულუფლებიანი ელჩი დიდი ბრიტანეთის და ჩრდილოეთ ირლანდიის გაერთიანებულ სამეფოში, საქართველოს საგანგებო და სრულუფლებიანი ელჩი ირლანდიაში, საქართველოს მუდმივი წარმომადგენელი მსოფლიოს საზღვაო ორგანიზაციაში; 2013 წლიდან საქართველოს სტრატეგიის და საერთაშორისო ურთიერთობების კვლევის ფონდის უფროსი მკვლევარი; 2014 წლიდან ივ. ჯავახიშვილის სახელობის თბილისის სახელმწიფო უნივერსიტეტის და კავკასიის უნივერსიტეტის მოწვეული ლექტორი საერთაშორისო ურთიერთობებში. გ. ბადრიძის პუბლკიკაციები საერთაშორისო ურთიერთობების, პოლიტიკის, უსაფრთხოების, ისტორიის და კულტურის სფეროში გამოქვეყნებულია საქართველოში, აშშ-ში, კანადაში, ბრიტანეთში, გერმანიაში, პოლონეთში, თურქეთში და აზერბაიჯანში. მინიჭებული აქვს საგანგებო და სრულუფლებიანი დესპანის (1999) და საგანგებო და სრულუფლებიანი ელჩის (2010) დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.39