ირაკლი ავალიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი ბიოფიზიკოსის სპეციალობით 1973 წელს; თბილისის სახელმწიფო უნივერსიტეტის ხელოვნების ფაკულტეტი, ფერმწერის სპეციალობით 1992 წელს.

1974 წლიდან მუშაობს კიბერნეტიკის ინსტიტუტში; 2000 წლიდან მოეწყო მხატვრის 35 პერსონალური გამოფენა სხვადასხვა საგამოფენო სივრცეში ("ქარვასლა","ამერიკის საელჩო", "მუზა", "ეროვნული ბიბლიოთეკა", "ჰობი" და ა.შ.); ამერიკის საელჩომ გამოფინა მისი ეტაპური ნამუშევარი "ტყუპები" (11 სექტემბერი); 2012 წელს სამების საგამოფენო დარბაზში მოეწყო არტ-ფონდის მიერ ორგანიზებული გამოფენა "თბილისური შემოდგომა 2012" და სხვ; შექმნილი აქვს 700 –მდე ფერწერული ნამუშევარი; მისი ტილოები ნიუ-იორკის "აგორა გალერიის" მიერ შეფასებულია როგორც "ბრწყინვალე ფერები" (brilliant colours); მხატვრის 15–დე ნახატი უცხოეთის სხვადასხვა კერძო გალერეებშია განთავსებული: ინგლისი, შვეიცარია, გერმანია, აშშ, ავსტრალია, ფინეთი, უკრაინა, რომელთა შორისაა: "ფერისცვალება", ''წყნეთი", "შუადღე" და სხვ. ფერმწერი, აფხაზეთის ომის ვეტერანი.

წყარო: საინფორმაციო სააგენტო "ინტერპრესნიუსი": interpressnews.ge; საქართველოს პარლამენტის ეროვნული ბიბლიოთეკა : ციფრული ბიბლიოთეკა "ივერიელი": dspace.nplg.gov.ge