დავით მირცხულავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1976 წელს.

მუშაობა დაიწყო საქართველოს ენერგეტიკისა და ჰიდროტექნიკურ ნაგებობათა სამეცნიერო-კვლევით ინსტიტუტში. 1988-1989წწ. იმყოფებოდა იტალიაში სტაჟირებაზე, მილანის პოლიტექნიკურ ინსტიტუტში. მუშაობდა იტალიის ნაციონალურ ენერგეტიკულ კომპანიაში. 1991-1996წწ. კითხულობდა ლექციებს აგრარულ უნივერსიტეტში. იყო ამ უნივერსიტეტის კათედრის გემგე, პროფესორი. 1994-1998წწ. - ჰიდროტექნიკური ნაგებობების დიაგნოსტიკისა და მონიტორინგის ცენტრის "დიანდჰესის" დირექტორის მოადგილე, დირექტორი; 1998-1999წწ. - საქართველოს სათბობ-ენერგეტიკის მინისტრის მოადგილე; 1999-2003წწ. - მინისტრი; 2003-2006წწ. - საქართველოს ენერგეტიკის მარეგულირებელი ეროვნული კომისიის თავმჯდომარე; 2007 წლიდან მუშაობს სხვადასხვა კომპანიებში კონსულტანტად. 2010-2013წწ. არის პარტნიორი კომპანია Israel Power Project-ში; 2013–2017წწ. კომპანია შპს "ტრანსელექტრიკა ჯორჯიას" ტექნიკური დირექტორი; 2017–2023წწ. თბილისის საინვესტიციო ჯგუფის ენერგეტიკული პროექტების ხელმძღვანელი. 2023 წლიდან არის კომპანია "Geo Renewable LLC"-ის დირექტორი და სამეთვალყურეო საბჭოს წევრი; 2017 წლიდან საქართველოს მაღლივი კაშხლების ეროვნული კომიტეტის თავმჯდომარე. მისი კვლევები ეძღვნება ჰიდროენერგეტიკისა და ჰიდროტექნიკური ნაგებობების საიმედოობის პრობლემებს, ენერგეტიკული უსაფრთხოებას და კლიმატის ცვლილების გავლენას ჰიდროენერგეტიკაზე. გამოქვეყნებულია აქვს 100-ზე მეტი სამეცნიერო ნაშრომი ჰიდროენერგეტიკის, ჰიდროტექნიკური ნაგებობების საიმედოობის საკითხებზე. ტექნიკურ მეცნიერებათა კანდიდატი (1982), ტექნიკურ მეცნიერებათა დოქტორი (1995), პროფესორი.

სადოქტორო დისერტაციის თემა - "ჰიდროელექტროსადგურების ძირითადი ნაგებობების უსაფრთხოების შეფასებისა და პროგნოზირების პრობლემური ამოცანები", დაიცვა (1994).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.237-238;  საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge

• საქართველო-რუსეთი = Россия - Грузия : ურთიერთობები: ენერგეტიკა, ეკონომიკა, უსაფრთხოება, გეოპოლიტიკა, მიგრაცია და კულტურა (თანაავტორი). - თბილისი, სტამბა "დამანი", 2018. - 163გვ.. - ISBN: 9789941948329
• საქართველოს ენერგეტიკული სტრატეგია (თანაავტორი). - თბილისი, ბაკურ სულაკაურის გამ-ბა, 2004. - 298გვ.
• წყლის რესურსების კომპლექსური გამოყენება და ბუნების დაცვა : მეთოდ. მითითება (შემდგენელი). - თბილისი, 1989. - 109გვ.