ბეგლარ თავართქილაძე

დაიბადების ადგილი: სოფელი ქვიშხეთი.
დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1978 წელს; ციტოლოგიის ინსტიტუტი, სსრკ-ს მეცნიერებათა აკადემია, მოლეკულური ბიოლოგია 1982 წელს; რომის უნივერსიტეტი "ლა საპიენცა" 1985 წელს; თბილისის უცხო ენების სახელმწიფო უნივერსიტეტი ინგლისური ენის სპეციალობით 1986 წელს; 1978 წელს იყო სსრკ-ს მეცნიერებათა აკადემიიის ციტოლოგიის ინსტიტუტის ასპირანტი, ლენინგრადი, რუსეთი; 1991 წელს რომის "ლა საპიენცა"-ის უნივერსიტეტის დოქტორანტი.

1985 წელს იყო საქართველოს მეცნიერებათა აკადემიის მცენარეთა ბიოქიმიის ინსტიტუტის ახალგაზრდა მეცნიერთა საბჭოს თავმჯდომარე; 2000 წელს აჭარის უზენაესი საბჭოს პროტოკოლის სამსახურის უფროსი; 1994-1998წწ.  საქართველოს საგანგებო და სრულუფლებიანი ელჩი იტალიის რესპუბლიკაში; 2000 წლიდან საქართველოს პოლიტოლოგიის აკადემიის პროფესორი, ბათუმი; 2007 წელს საერთაშორისო დიპლომატიური საბჭოს მმართველობის წევრი, აშშ; 2008 წლიდან რომის სასამართლო ექსპერტი; 2011 წლიდან იტალიის იურიდიულ მთარგმნელთა ასოციაციის პრეზიდენტი; 1999 წლიდან საერთაშორისო ექსპერტთა მისია სერბეთში; 1998 წლიდან ფაო-ს ცენტრალური და აღმოსავლეთ ევროპის ქვეყნების ქვერეგიონის თავმჯდომარე; 1997 წლიდან ფაო-ს 29-ე მოწვევის თავმჯდომარე, ფაო-ს ევროპის რეგიონალური ჯგუფის თავმჯდომარე; 1996 წლიდან გაეროს სასურსათო და სასოფლო-სმეურნეო მიზნებისთვის საჭირო გენეტიკური რესურსების კომისიაში ევროპის რეგიონის წარმომადგენელი; სურსათის უსაფრთხოების თემაზე ფაო-ს ევროპის ქვე-რეგიონალური კონფერენციის თავმჯდომარე. დაჯილდოებულია იტალიის რესპუბლიკის სენატის სპეციალური სიგელი ქართველთა სათვისტომოს მიერ გაწეული ნაყოფიერი მუშაობისთვის. მინიჭებული აქვს საგანგებო და სრულუფლებიანი ელჩის დიპლომატიური რანგი.
წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.79