ირაკლი თავართქილაძე

დაიბადების ადგილი: ქ. ბათუმი.
დაამთავრა თბილისის სასულიერო სემინარია 1995 წელს; კირილესა და მეთოდეს სახელობის ლიცეუმი, (კილკიზი, საბერძნეთი) 1999 წელს; არისტოტელეს სახელობის უნივერსიტეტი (თესალონიკი, საბერძნეთი) ბიზანტიური ფილოსოფიისა და თეოლოგიის ფაკულტეტი, მაგისტრი 2004 წელს; ნიდერლანდების ინსტიტუტი მრავალპარტიული დემოკრატიისთვის 2015 წელს; თბილისის პოლიტიკური სწავლების სკოლა, ევროსაბჭო 2016 წელს.

1994-1996წწ. მუშაობდა ბათუმის სასულიერო სემინარიაში, ლიტურგიკის ლექტორად; 1996-1998წწ. ხულოს სასულიერო სასწავლებელში - პრორექტორი, რელიგიათმცოდნეობის ლექტორი; 2004-2005წწ. საქართველოს საგარეო საქმეთა სამინისტროს საკონსულო დეპარტამენტში სავიზო სამმართველოს მთავარ სპეციალისტად; 2005-2005წწ. იყო აჭარის ა/რ მთავრობის თავმჯდომარის თანაშემწე; 2005-2006წწ. აჭარის ა/რ ტურიზმისა და კურორტების დეპარტამენტის უფროსი; 2006-2007წწ. ქალაქ ბათუმის მერი; 2012-2013წწ. ქართული სალოკომოტივო კომპანიის დირექტორის მოადგილე; 2013-2016წწ. აჭარის ა/რ უმაღლესი საბჭოს პოლიტიკური და მედია მრჩეველი; 2016 წლიდან სს "აჭარა ტურის" გენერალური დირექტორი. 2007-2012წწ. საქართველოს საგანგებო და სრულუფლებიანი ელჩი საბერძნეთის, ხორვატიისა და სერბეთის რესპუბლიკებში. მინიჭებული აქვს საგანგებო და სრულუფლებიანი დესპანის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.80

• ღირსების ორდენი