
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

მანანა დოლაქიძე

Date of birth:	19??
Date of death:	15 March, 2019
Category:	Linguist, Scientist, Translator, Explorer

Biography

მანანა დოლაქიძე კორნელი კეკელიძის სახელობის საქართველოს ხელნაწერთა ეროვნულ ინსტიტუტში მისი დაარსების დღიდან მუშაობდა აკადემიკოს ილია აბულაძის ხელმძღვანელობით. იგი იყო ძველი ქართული და ბერძნული ენების საუკეთესო მცოდნე, გამოცდილი ტექსტოლოგი, წლების განმავლობაში იკვლევდა ძველი ქართული ნათარგმნი და ორიგინალური სასულიერო მწერლობის სხვადასხვა ჟანრის ძეგლებს. მის სახელთან არის დაკავშირებული უმნიშვნელოვანესი მოღვაწის, ილარიონ ქართველის ცხოვრების შემცველი ტექსტების შესწავლა და გამოქვეყნება, ილარიონ ქართველისა, რომელიც იყო ინიციატორი ბიზანტიაში ქართული ეკლესია-მონასტრების დაარსებისა და დასავლურ-ევროპულ ცივილიზაციასთან ქართველი ერის ზიარებისა. გამორჩეულია მანანა დოლაქიძის ღვაწლი ქართული კულტურის, ქართული საეკლესიო სამართლის უმთავრესი ძეგლის – "დიდი სჯულისკანონის" გამოქვეყნების საქმეში. მთავარ მიმართულებად მანანა დოლაქიძის სამეცნიერო მოღვაწეობაში ყოველთვის რჩებოდა ლიტურგიკული ძეგლების ქართული თარგმანების შესწავლა. ის მონაწილეობდა როგორც "იერუსალიმური ლექციონარის", ასევე მიქაელ მოდრეკილის "დიდი იადგარის" გამოსაცემად მომზადების პროცესში. უკანასკნელ წლებში ფართო საზოგადოებისათვის ხელმისაწვდომი გახდა გიორგი მთაწმიდელის მიერ თარგმნილი "დიდი სვინაქსარი", რომელსაც მანანა დოლაქიძის სამეცნიერო მოღვაწეობაში გამორჩეული ადგილი უკავია. ეს ძეგლი ქართული ღვთისმსახურების კონსტანტინოპოლურ პრაქტიკაზე გადასვლის უმნიშვნელოვანეს ეტაპს ასახავს. მანანა დოლაქიძის ნაშრომები: "ილარიონ ქართველის სახელზე დაწერილი საგალობლები" (უცნობი ავტორის საგალობელი) (მრავალთავი = Mravaltavi : ფილოლოგიურ-ისტორიული ძიებანი / ხელნაწერთა ეროვნული ცენტრი. 1971. N1, გვ.185); "ახალი ნაშრომი ილარიონ ქართველის ცხოვრების შესახებ" ( მრავალთავი = Mravaltavi : ფილოლოგიურ-ისტორიული ძიებანი / ხელნაწერთა ეროვნული ცენტრი. თბილისი, 1983. ტ.10, გვ.250-257); "კალის ლექციონარის დათარიღებისათვის" (ფილოლოგიური ძიებანი 1995, N2, გვ.64-80). 2017 წელს მანანა დოლაქიძე ქართული ქრისტიანული კულტურის კვლევისა და ხელნწარეთმცოდნეობის განვითარებაში შეტანილი მნიშვნელოვანი წვლილისთვის დაჯილდოვდა საპატრიარქო სიგელით.

წყარო: ხელნაწერთა ეროვნული ცენტრი: facebook.com/Manuscript.ge

Bibliography

ილარიონ ქართველის ცხოვრების ძველი რედაქციები (Author). - თბილისი, მეცნიერება, 1974. - 179გვ.