არჩილ კეკელია

დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ეკონომიკის ფაკულტეტი, საერთაშორისო ეკონომიკური ურთიერთობების სპეციალობით 2001 წელს; 1998-1999წწ. იყო როჩესტერის კოლეჯი, აშშ. აშშ-ს სახელმწიფო დეპარტამენტის მიერ დაფინანსებული გაცვლითი პროგრამის სტიპენდიანტი; დაამთავრა ჯორჯთაუნის უნივერსიტეტის საზაფხულო სკოლის კურსი ეკონომიკასა და პოლიტიკაში (2000); ლონდონის ბიზნესის სკოლა და კალიფორნიის უნივერსიტეტი ლოს ანჯელესში (მაგისტრის ხარისხი ბიზნესის ადმინისტრირებაში MBA) 2007 წელს.

2000-2001წწ. იყო PA Consulting Group-ის ანალიტიკოსი; 2001-2004წწ. Energia Hidroelectrica de Navarra-ს ბიზნესის განვითარების დირექტორი; 2004-2005წწ. PA Consulting Group-ის მრჩეველი; 2006 წელს Fidelity Investments-ის ანალიტიკოსი; 2007-2009წწ. BBVA ბანკის ასოცირებული ბანკირი; 2009-2010წწ. Terramar Energy-ს აღმასრულებელი დირექტორი; 2010-2011წწ. საქართველოს ეკონომიკისა და მდგრადი განვითარების სამინისტროს მინისტრის პირველი მოადგილე; 2014-2015წწ. AG Transport & Development-ის სამეთვალყურეო საბჭოს წევრი; 2016 წლიდან Georgian Greenhouse Corporation-ის გენერალური დირექტორი; 2017 წლიდან  Archipelago LLC-ს დამფუძნებელი და დირექტორი; 2012-2013წწ. საქართველოს საგანგებო და სრულუფლებიანი ელჩი ისრაელის სახელმწიფოში. მინიჭებული აქვს საგანგებო და სრულუფლებიანი დესპანის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.91