თემურ კეკელიძე

დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტი, ისტორიის ფაკულტეტი 1997 წელს;  ივანე ჯავახიშვილის სახელობის თბილისის სახელმწიფო უნივერსიტეტის ასპირანტურა, სპეციალიზაცია − საქართველოს ისტორია 2001 წელს; ბრიტანეთის თავდაცვის აკადემიის მეცნიერების სამეფო სამხედრო კოლეჯი, კრენფილდის უნივერსიტეტი, დიდი ბრიტანეთი; მიიღო გლობალური უსაფრთხოების საკითხებში მეცნიერებათა მაგისტრის ხარისხი 2004 წელს.
2001-2002წწ. იყო საქართველოს თავდაცვის სამინისტროს თავდაცვის პოლიტიკისა და საერთაშორისო ურთიერთობების დეპარტამენტის ნატოს განყოფილების სპეციალისტი; 2002-2003წწ. საქართველოს თავდაცვის სამინისტროს თავდაცვის პოლიტიკისა და საერთაშორისო ურთიერთობების დეპარტამენტის ნატოს განყოფილების უფროსი; 2003 წლიდან საქართველოს თავდაცვის სამინისტროს თავდაცვის პოლიტიკისა და საერთაშორისო ურთიერთობების დეპარტამენტის მრავალმხრივი ურთიერთობების სამმართველოს უფროსი; 2004-2005წწ. საქართველოს ეროვნული უშიშროების საბჭოს თავდაცვის განვითარების დეპარტამენტის დირექტორის მოადგილე; 2005-2006წწ. საქართველოს ეროვნული უშიშროების საბჭოს მდივნის თანაშემწე; 2006 წლიდან საქართველოს საგარეო საქმეთა სამინისტროს უსაფრთხოების პოლიტიკისა და ევრო-ატლანტიკური ინტეგრაციის დეპარტამენტის ნატოს სამმართველოს უფროსი; 2006-2007წწ. საქართველოს საგარეო საქმეთა სამინისტროს პოლიტიკური დეპარტამენტის პოლიტიკის დაგეგმვის სამმართველოს უფროსი; 2007-2012წწ. საქართველოს საგარეო საქმეთა სამინისტროს პოლიტიკური დეპარტამენტის დირექტორის მოადგილე; 2012-2016წწ. ნატოში საქართველოს წარმომადგენლის მოადგილე; 2016-2017წწ. საქართველოს საგარეო საქმეთა სამინისტროს უსაფრთხოების პოლიტიკისა და ევრო-ატლანტიკური ინტეგრაციის დეპარტამენტის დირექტორის მოადგილე; 2018-2020წწ. შინაგანს საქმეთა სამინისტროს სასაზღვრო პოლიციის უფროსი. 2020 წლიდან არის საქართველოს საგანგებო და სრულუფლებიანი ელჩი კვიპროსის რესპუბლიკაში.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.92

• ღირსების ორდენი