ირაკლი კოპლატაძე

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის საინჟინრო-ეკონომიკური ფაკულტეტი 1987 წელს; თბილისის სახელმწიფო უნივერსიტეტის საერთაშორისო ურთიერთობების მეორადი ფაკულტეტი 1987 წელს; მოსკოვის შრომისა და სოციალურ საკითხთა ინსტიტუტის ასპირანტურა 1990 წელს; მელბურნის სვინბორნის ტექნოლოგიური უნივერსიტეტი (ავსტრალია) 1993 წელს; კვალიფიკაციის ამაღლების კურსები: 1992 წელს ლონდონის ეკონომიკისა და პოლიტიკურ მეცნიერებათა სკოლა (დიდი ბრიტანეთი); 1994 წელს კოლორადოს ბოლდერის უნივერსიტეტი (აშშ); 1995 წელს ვენის გაერთიანებული ინსტიტუტი (ავსტრია). 

1994-1996წწ. იყო თბილისის სახელმწიფო უნივერსიტეტის საერთაშორისო სამართლისა და ურთიერთობების ფაკულტეტის ლექტორი; 2006 წლიდან საქართველოს საგარეო საქმეთა სამინისტროს საგანგებო დავალებათა ელჩი; 2006-2010წწ. საგანგებო და სრულუფლებიანი დესპანი თურქეთის რესპუბლიკაში; 2010 წლიდან საქართველოს საელჩოს მრჩეველი დიდი ბრიტანეთისა და ჩრდილოეთ ირლანდიის გაერთიანებულ სამეფოში; 2010-2013წწ. საქართველოს საქმეთა დროებითი რწმუნებული ახლად დაარსებულ საელჩოში ირლანდიაში; მსოფლიო ბანკის პროექტის, საქართველოს სოციალური ინვესტიციების ფონდის აღმასრულებელი დირექტორი; საქართველოს სოციალური დაზღვევის ერთიანი სახელმწიფო ფონდის გენერალური დირექტორი; საქართველოს პრეზიდენტის ადმინისტრაციის მაკროეკონომიკური განყოფილების უფროსი; საქართველოს უშიშროების საბჭო; საქართველოს პარლამენტის საბიუჯეტო კომიტეტი; საქართველოს ფინანსთა სამინისტრო. არის ორი მონოგრაფიისა და მრავალი სამეცნიერო და პუბლიცისტური სტატიის ავტორი; 2013-2018წწ. საქართველოს საგანგებო და სრულუფლებიანი ელჩი თურქეთის რესპუბლიკაში  აკრედიტებული ალბანეთის რესპუბლიკაში და ბოსნია და ჰერცეგოვინაში; 2018 წლიდან საქართველოს საგანგებო და სრულუფლებიანი ელჩი სლოვენიის რესპუბლიკაში. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო:  დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.99

• ტაო-კლარჯეთი = Tao-Klarjeti (თანაავტორი). - თბილისი, თბილ. უნ-ტის გამომცემლობა, 2004. - 238გვ.. - ISBN: 999401224X
• საპენსიო ფონდების როლი მაკროეკონომიკურ რეგულირებაში საბაზრო ეკონომიკაზე გარდამავალ პერიოდში : საქართველოს მაგალითზე (ავტორი). - თბილისი, 2000. - 206გვ.. - ISBN: 9992800496