კარლო მშვიდობაძე

დაბადების ადგილი: სოფელი შუხუთი, ლანჩხუთის რაიონი.

დაამთავრა საქართველოს პოლიტექნიკური ინსტიტუტი სპეციალობით "ელ. სადგურები, ქსელები და სისტემები" 1948 წელს და მიენიჭა ინჟინერ-ელექტრიკოსის კვალიფიკაცია.

1949 წლიდან - რკინიგზის ამიერკავკასიის ელექტროფიკაციის სამსახურის მე-2 სამშენებლო-სამონტაჟო უბნის მთავარი ინჟინერი; 1950 წლიდან - ამავე სამსახურის საკონტაქტო ქსელის სამშენებლო-სამონტაჟო უბნის უფროსი; 1952 წლიდან - ამიერკავკასიის რკინიგზის საგზაო მშენებლობის სამმართველოს უფროსი ინჟინერი; 1954 წლიდან - ამიერკავკასიის რკინიგზის ელექტროფიკაციის სამტრედიის უბნის უფროსის მოადგილე; იმავე წლიდან - სოხუმის უბნის უფროსის მოადგილე; 1955-1962წწ. - რკინიგზის ელექტროფიკაციის სოხუმის უბნის უფროსი; 1962-1965წწ. - სოხუმის "ელექტროხელსაწყოს" საწარმოო-საგეგმო განყოფილების უფროსი; 1965-1966წწ. - სოხუმის ფიზიკა-ტექნიკურ (სპეც. ობიექტი) ინსტიტუტში ერთ-ერთი საპასუხისმგებლო თანამდებობა; 1966 წლიდან - ამავე სპეც. ობიექტზე საწარმოო-ტექნიკური გნაყოფილების უფროსი, სამეცნიერო-საცდელი წარმოების განყოფილების უფროსი; 1993 წლიდან - საქართველოს რკინიგზის დეპარტამენტი, სხვადასხვა თანამდებობა, 1993-2004წწ. -  ელექტრომომარაგების სამსახურში ენერგეტიკის ექსპლუატაციის განყოფილების უფროსი; მისი ხელმძღვანელობით რკინიგზის სოხუმის ელექტრომომარაგების უბანი შვიდჯერ გამოვიდა გამარჯვებული მაშინდელი საბჭოთა კავშირის მასშტაბით მსგავსი ორგანიზაციების შეჯიბრებებში. მიღებული ჰქონდა მრავალი მადლობა და სხვადასხვა წამახალისებელი ჯილდო.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.254-255