შალვა ნაჭყებია

დაბადების ადგილი: ქ. ცხაკ­ა­ია (სენაკი).

დაამთავრა საქართველოს პოლი­ტექ­ნიკური ინსტიტუტის ენერგეტიკული ფაკულტეტი "ელექტრონული სადგურების“ სპეციალობით 1969 წელს. 1971 წელს სწავლა გააგრძელა მოსკოვის ენერგეტიკული ინსტიტუტის ასპი­რანტურაში. 

1975-1998წწ. - საქართველოს პოლიტექნიკური ინსტიტუტი, ზოგადი და თორიული ელექტროტექნიკის კათედრის ასისტენი, უფროსი მასწავლებელი, დოცენტი; 2003 წლიდან - ელსადგურების, ქსელებისა და სისტემების კათედრის გამგე; 2007 წლიდან - ენერგეტიკისა და ტელეკომუნიკაციის ფაკულტეტის ელექტროენერგეტიკის, ელექტრონიკისა და ელექტრომექანიკის დეპარტამენტის უფროსი; 1995-2007წწ. - ხელმძღვანელობდა საქართველოს ტექნიკური უნივერსიტეტის სასწავლო ნაწილს, აქტიურად მონაწილეობდა TEMPUS-TACIS-ის საერთაშორისო პროექტებში რეფორმის განხორციელებისა და ბოლონიის პროცესის შემადგენელი კომპონენტების სასწავლო პროცესში დანერგვის მიზნით; განსაკუთრებით აღსანიშნავია მისი ღვაწლი ფაკულტეტზე თანამედროვე სასწავლო-სამეცნიერო ბაზის შექმნის საქმეში; 2004 წელს ხანგრძლივი მივლინებით იმყოფებოდა აშშ-ში სახელმწიფო დეპარტამენტის განათლებისა და კულტურის განყოფილების პროექტის ფარგლებში; ხელმძღვანელობდა დოქტორანტებისა და მაგისტრანტების სამეცნიერო მუშაობას; მისი სამეცნიერო-კვლევითი მიმართულებებია: ელექტრომაგნიტური ტექნიკა, თანამედ­როვე მაგნიტური მასალები, ელექტროტექნიკური მოწყობილობების საიმე­დოობის ამაღლების პრობლემები თანამედროვე მაგნიტური მასალების ბაზაზე; 100-ზე მეტი სამეცნიერო ნაშრომის, მონოგრაფიების ავტორი, მიღებული ჰქონდა საავტორო მოწმობები, იყო მრავალი საერთაშორისო სამეცნიერო-ტექნიკური კონფერენციისა და სიმპოზიუ­მის მონაწილე. ბოლო ათწლეულში პროფესორების - შალვა ნაჭყებიასა და ივანე გორგიძის ინიციატივითა და თაოსნობით, შეიქმნა საქართველოს ტექნიკური უნივერსიტეტის მატიანე და გამოიცა უნივერსიტეტის ისტორიისადმი  მიძღვნილი რამდენიმე მონოგრაფია. 2005 წელს მიიღო სრულიად საქართველოს კათოლიკოს-პატრიარქის საპატიო სიგელი. ტექნიკურ მეცნიერებათა კანდიდატი (1975), ტექნიკურ მეცნიერებათა დოქტორი (1998), პროფესორი (2001).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.264-265; საქართველოს ტექნიკური უნივერსიტეტი: gtu.ge

• აშშ-ის ელექტროტექნიკისა და ელექტრონიკის ინჟინერთა IEEE საერთაშორისო ორგანიზაცია, წევრი (1996-)
• აშშ-ის სამეცნიერო საზოგადოება Sigma X, წევრი (2003-)
• საქართველოს ენერგეტიკის აკადემია, აკადემიკოსი (2004-)
• საქართველოს საინჟინრო აკადემია, ნამდვილი წევრი (2005-)

• 2003 - ღირსების ორდენი
• 1998 - ღირსების მედალი

• ელექტრული სადგურების და ქვესადგურების ელექტრული ნაწილი : [სახელმძღვ.] (თანაავტორი). - თბილისი, ტექნ. უნ-ტი, 2997. - 170გვ.. - ISBN: 9789994095605
• იზოლაციის ელექტრული გამოცდა და დიაგნოსტიკა : [სახელმძღვ.] (რედაქტორი). - თბილისი, ტექნ. უნ-ტი, 2010. - 298გვ.. - ISBN: 9789941148286
• ელექტრული წრედების თეორია : [სახელმძღვ.] (თანაავტორი). - თბილისი, ტექნ. უნ-ტი, 2008. - 296გვ. . - ISBN: 9789941141966