იოსებ ნანობაშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი თეორიული ფიზიკის ფაკულტეტი 1993 წელს; ხმელთაშუაზღვის დიპლომატიური აკადემია მალტაში 2002 წელს; 2003 წელს დაიწყო დისტანციური სწავლება ლუიზიანის ქალაქ კოვინგტონის ლაკროსის უნივერსიტეტში, რომელიც 2005 წელს დოქტორის ხარისხით დაასრულა.

1998 წელს მუშაობა დაიწყო საქართველოს საგარეო საქმეთა სამინისტროში; 1998-2002წწ. იკავებდა ევროპული ინტეგრაციის დეპარტამენტის სამმართველოს უფროსის მოადგილის, მეორე მდივნის, ატაშეს პოზიციას. 2002-2006წწ. იყო ევროკავშირში საქართველოს წარმომადგენლობის მრჩეველი, პირველი მდივანი და მეორე მდივანი; 2006-2008წწ. საგარეო საქმეთა სამინისტროს ევროინტეგრაციის დეპარტამენტის დირექტორის მოადგილე; 2009-2013წწ. ეუთო-ში საქართველოს მისიის უფროსი მრჩეველი; 2013-2014წწ. საქართველოს საგარეო საქმეთა სამინისტროს ევროსაბჭოს სამმართველოს უფროსი; 2013-2015წწ. იყო საგარეო საქმეთა სამინისტროს საერთაშორისო ეკონომიკური ურთიერთობების დირექტორი; იყო კანადის მანიტობას უნივერსიტეტის მეცნიერ-მკვლევარი; ვებსტერის უნივერსიტეტის საპატიო პროფესორი; საბერძნეთის პირეოსის უნივერსიტეტის მკვლევარი; 2020 წლიდან  კავკასიის უნივერსიტეტის სამართლის სკოლის დეკანი; სამეცნიერო ხარისხი: დიპლომატიის მაგისტრი; აკადემიური ხარისხი: პოლიტიკურ მეცნიერებათა დოქტორი; 2015-2020წწ. საქართველოს საგანგებო და სრულუფლებიანი ელჩი საბერძნეთისა და სერბეთის რესპუბლიკებში. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო:  დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.126

• შვიდი ნაბიჯი ევროკავშირის გასააზრებლად = Seven steps for comprehending the European Union (თანაავტორი). - თბილისი, თბილისის უნივერსიტეტის გამომცემლობა, 2021. - 156გვ.. - ISBN: 9789941491245
• მესამე ქვეყნებიდან ევროკავშირის ბაზარზე ორგანული პროდუქტების ექსპორტის თავისებურებები (თანაავტორი). - თბილისი, 2011. - 44გვ.. - ISBN: 9789941033025
• მესამე ქვეყნებიდან ევროკავშირის ბაზარზე ექსპორტირებული ცოცხალი ცხოველების, ცხოველური წარმოშობის პროდუქტების, ფრინველის, ფრინველის ხორცისა და კვერცხის სერტიფიცირების პრობლემატიკა (თანაავტორი). - თბილისი, , 2009. - 24გვ.. - ISBN: 9789941015342
• ევროკავშირის ბაზარზე იმპორტირებული საქონლის დაბეგვრის თავისებურებანი (თანაავტორი). - თბილისი, European commission, 2008. - 36გვ.. - ISBN: 9789941008412