გია ნიკოლაიშვილი

დაბადების ადგილი: ქ. სამტრედია.
დაამთავრა საქართველოს პოლიტექნიკური ინსტიტუტის, ავტომატიკისა და გამოთვლითი ტექნიკის ფაკულტეტი 1978 წელს; თბილისის უცხო ენათა ინსტიტუტის ინგლისური და ესპანური ენების კურსები 1980 წელს; მოსკოვის სახელმწიფო უნივერსიტეტის, იურიდიული ფაკულტეტი 1986 წელს; ნიდერლანდების საერთაშორისო ურთიერთობების ინსტიტუტი "კლინგენდაილ"-ის დიპლომატიური კურსები 1993 წელს.
1978-1980წწ. საქართველოს საავტომობილო ტრანსპორტის სამინისტროს, საწარმოო-ტექნიკური გაერთიანება "ავტოტრანსტექნიკას" ინჟინერი; 1980-1986წწ. საბჭოთა კავშირის ელექტრომრეწველობის სამინისტროს, საკონსტრუქტორო ბიურო "ინდიკატორის" მეცნიერ-მუშაკი; 1986-1992წწ. საქართველოს უმაღლესი და საშუალო სპეციალური განათლების / სახალხო განათლების სამინისტროს საგარეო ურთიერთობათა განყოფილების უფროსი /სამმართველოს უფროსის მოადგილე; 1992-2004წწ. საქართველოს საგარეო საქმეთა სამინისტროს საერთაშორისო ორგანიზაციების დეპარტამენტის დირექტორის მოადგილე; 2004-2005წწ. საქართველოს საგარეო საქმეთა მინისტრის მრჩეველი კონფლიქტების მოგვარების ჯგუფის უფროსი; 2005-2011წწ. საქართველოს საგარეო საქმეთა სამინისტროს ევროპის დეპარტამენტის სუამ-ისა და წევრ ქვეყნებთან ორმხრივი ურთიერთობების სამმართველოს უფროსი; 2011-2015წწ. საქართველოს საგარეო საქმეთა სამინისტროს პოლიტიკური დეპარტამენტის დირექტორი; 1986-2019წწ. იყო 100-ზე მეტი სამსახურებრივი მივლინებაში საზღვარგარეთ, საქართველოს განათლების, სამეცნიერო-ტექნიკური თანამშრომლობის და დიპლომატიური ურთიერთობების ფარგლებში; 1994 წელს ევროპის უშიშროებისა და თანამშრომლობის კონფერენციის ადამიანური განზომილების და დემოკრატიის ფორუმზე საქართველოს წარმომადგენელი (ქ. ვარშავა); 1994 წელს ევროპის უშიშროებისა და თანამშრომლობის კონფერენციის სამიტის მოსამზადებელ კონფერენციაზე საქართველოს დელეგაციის ხელმძღვანელი (ქ. ბუდაპეშტი); 1994 წელს ევროპის უშიშროებისა და თანამშრომლობის კონფერენციის სამიტზე საქართველოს დელეგაციის წევრი (ქ. ბუდაპეშტი); 1995-1996წწ. ევროპის უშიშროებისა და თანამშრომლობის ორგანიზაციის (ეუთო) მოლდოვის მისიის წევრი / მისიის ხელმძღვანელის მოადგილე (ქ. კიშინოვი); 1996-1997წწ. ეუთო-ს ტაჯიკეთის მისიის ხელმძღვანელი (ქ. დუშანბე); 1998-1999წწ. ეუთო-ს კოსოვოს საერთაშორისო დამკვირვებელთა მისიის, ქ. ჯილანის რეგიონალური ოფისის მეკავშირე ოფიცერი (ქ. ჯილანი); 1999-2002წწ. ეუთო-ს კოსოვოს მისიის პრიზრენის რეგიონალური ოფისის დემოკრატიზაციის მიმართულების ხელმძღვანელი (ქ. პრიზრენი); 1993-2015წწ. გაერო-ს გენერალურ ასამბლეაზე ეუთო-ს, დსთ-ს და სუამ-ის სამიტებზე და საგარეო საქმეთა მინისტრების ფორუმებზე საქართველოს დელეგაციის წევრი; 2015-2019წწ. საქართველოს საგანგებო და სრულუფლებიანი ელჩი კუბის რესპუბლიკაში, პირველი რეზიდენტი ელჩი და ქ. ჰავანაში საქართველოს საელჩოს დამაარსებელი. მინიჭებული აქვს საგანგებო და სრულუფლებიანი დესპანის დიპლომატიური რანგი (2013).

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.127