ბრონისლავ ნაცეევსკი

დაბადების ადგილი: ქ. ტაშკენტი.

დაამთავრა თბილისის ინდუსტრიული ინსტიტუტის ენერგეტიკის ფაკულტეტი 1938 წელს.

სკოლის დამთავრების შემდეგ მუშაობა დაიწყო მანქანათსამშენებლო ქარხანაში და პარალელურად სწავლობდა; ინსტიტუტის დამთავრების შემდეგ მუშაობა დაიწყო "საქენერგოს" ცენტრალურ ლაბორატორიაში (შემდგომში, "საქენერგოგაწყობა"). 1941-1945წწ. მუშაობდა ზაჰესში, შემდეგ კვლავ ცენტრალურ ლაბორატორიაში ჯერ საწარმოო-სარემონტო საამქროს უფროსად, შემდეგ, გარდაცვალებამდე "საქენერგოგაწყობის" დირექტორის მოადგილედ; მისი უშუალო მონაწილეობით და ხელმძღვანელობით "საქენერგოს" ცენტრალურ ლაბორატორიაში ჩამოყალიბდა მზომი ხელსაწყოების შეკეთებისა და შემოწმების, ხოლო ხშირ შემთხვევაში, არასტანდარტული, სპეციალური დანიშნულების აპარატურის შექმნის საწარმო. მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.268

• 1971 - საქართველოს დამსახურებული ინჟინერი
• საპატიო ნიშნის ორდენი