კონსტანტინე ჟღენტი

დაბადების ადგილი: ქ. თბილისი.
დაამთავრა თბილისის სახელმწიფო უნივერსიტეტის ისტორიიის ფაკულტეტი აღმოსავლეთმცოდნის სპეციალობით 1975 წელს.
1976-1989წწ. მუშაობდა საქართველოს მეცნიერებათა აკადემიის საზოგადოებრივ მეცნიერებათა დარგში სამეცნიერო ინფორმაციის ცენტრის საერთაშორისო ინფორმაციის განყოფილებაში; 1989-1990წწ. იყო მოსკოვის აღმოსავლეთმცოდნეობის ინსტიტუტის დოქტორანტი; 1993 წელს მიწვეული მკვლევარი აშშ-ის ჰარვარდის უნივერსიტეტის კენედის სახელობის სკოლაში, სადაც მუშაობდა თემაზე "რუსეთის პოლიტიკა პოსტ-საბჭოთა სივრცეში და კონფლიქტები"; 2009-2014წწ. თბილისის შავი ზღვის საერთაშორისო უნივერსიტეტის ასოცირებული და ნამდვილი პროფესორი; 1990 წლიდან მუშაობს საქართველოს საგარეო საქმეთა სამინისტროში. სხვადასხვა დროს იყო პოლიტიკური და ევროპა-ამერიკის დეპარტამენტის დირექტორი, საგანგებო დავალებათა ელჩი; 1997-2000წწ. საქართველოს საგანგებო და სრულუფლებიანი დესპანი იტალიაში; 2004-2006წწ. საქართველოს საგანგებო და სრულუფლებიანი ელჩი ავსტრიასა და უნგრეთში (არა-რეზიდენტი); 2018-2019წწ. საქართველოს საგარეო საქმეთა სამინისტროს დიპლომატიური სასწავლო და კვლევითი ინსტიტუტის მკვლევარი; 2014-2018წწ. საგანგებო და სრულუფლებიანი ელჩი უზბეკეთის რესპუბლიკაში – აკრედიტებული ტაჯიკეთის რესპუბლიკაში; 2019 წლიდან საქართველოს საგანგებო და სრულუფლებიანი ელჩი ქუვეითის სახელმწიფოში. მინიჭებული აქვს საგანგებო და სრულუფლებიანი ელჩის დიპლომატიური რანგი.

საკანდიდატო დისერტაციის თემა - "პალესტინა ინგლისის მანდატის წლებში", დაიცვა 1983 წელს.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.135