ირაკლი ობოლაძე

დაბადების ადგილი: სოფელი ხრესილი, ტყიბულის რაიონი.

მუშაობა დაიწყო 1929 წელს რიონჰესზე გვირაბის გამყვანი კომპლექსური ჯგუფის ბრიგადირად; 1933-1949წწ. მუშაობდა ხრამჰეს-1-ის მშენებლობაზე სადაწნეო დერივაციული გვირაბის გამყვანი მოწინავე ბრიგადის ხელმძღვანელად; 1949-1953წწ. - სამგორის ჰესების გვირაბების გამჭოლი ბრიგადის ხელმძღვანელად; 1953-1956წწ. - ტყიბულჰესზე ხელმძღვანელობდა დერივაციული გვირაბის გაყვანის სამუშაოებს; 1956 წლიდან - ჰესის საექსპლუატაციოდ გადაცემამდე, ხრამჰესი-2-ის მშენებლობაზე დერივაციული გვირაბის გაყვანის კომპლექსურ ბრიგადას. მიწისქვეშა ობიექტების მშენებლობაზე უწყვეტად იმუშავა 33 წლის განმავლობაში. საქართველოს სსრ IV და V მოწვების უმაღლესი საბჭოს დეპუტატი. მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.7.-თბ., 1984.-გვ.494; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.274

• 1958 - სოციალისტური შრომის გმირი
• 1951 - სსრკ სახელმწიფო პრემია
• ღირსების ორდენი
• ლენინის ორდენი (3 ორდენი)
• წითელი დროშის ორდენი