ნოდარ ოსეფაიშვილი

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1954 წელს.

1954 წლიდან - "კრასნოდარენერგო", დისპეტჩერი; იმავე წლიდან - "ჩრდილოკავკასენერგო", მორიგე დისპეტჩერი; 1957 წლიდან - ზაჰესის მორიგე ინჟინერი; 1960 წლიდან "საქენერგოს" ცენტრალური სადისპეტჩერო სამსახური, მორიგე დისპეტჩერი; 1965 წლიდან - ცენტრალური სადისპეტჩერო სამსახურის უფროსის მოადგილე; 1971-1983წწ. - ხრამჰესის კასკადის დირექტორი. უხელმძღვანელა დიდი სამუშაოების ჩატარებას და წარმატებით დაასრულა 1974 წელს ხრამჰეს-1-ის წყლის ფილტრაციის სალიკვიდაციო სამუშაოები; 1979 წელს უზრუნველყო ხრამჰეს-II-ის აგრეგატის დადგენილ ვადაზე ადრე სარემონტო სამუშაოების დასრულება; 1983-1986წწ. - წალკის რაიონის აღმასრულებელი კომიტეტის თავმჯდომარე; 1987-2000წწ. მუშაობდა ამიერკავკასიის გაერთიანებულ სადისპეტჩერო სამმართველოში. მიღებული აქვს "ოქროს მედალი" (1979).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.277-278

• 1974 - საპატიო ნიშნის ორდენი