რაულ პატარაია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ჰიდროტექნიკოსის კვალიფიკაციით 1958 წელს.

1958-1959წწ. "საქენერგოპროექტი", ინჟინერ–კონსტრუქტორი; 1959-1961წწ. სიონის ჰიდროტექნიკური კვანძის მშენებლობა, უფროსი ოსტატი; 1964-2010წწ. საქართველოს ენერგეტიკის სამეცნიერო-კვლევითი ინსტიტუტი, ინჟინერი, უფროსი მეცნიერ-თანამშრომელი, ჰიდროენერგეტიკული კვლევების განყოფილების უფროსი; ტექნიკურ მენიცრებათა კანდიდატი (1972). 1985 წლიდან - საქართველოს ტექნიკური უნივერსიტეტი. გამოქვეყნებული აქვს 100 მეტი სამეცნიერო ნაშრომი. მისი სამეცნიერო მოღვაწეობა ძირითადად ეხება საქართველოს ჰიდროენერგეტიკის განვითარების სფეროს. მის მიერ შესწავლილია კავკასიის ჰიდროელექტროსადგურების ტექნიკური მდგომარეობა, ელექტროენერგიის გამომუშავების გაზრდის მიზნით, ჰიდროენერგეტიკული ობიექტების წყალგამტარი ნაგებობების მუშობა, საქართველოს ენერგეტიკული პოტენციალის სიდიდე და მისი რეგიონალური განაწილება, რაც ჩამოყალიბდა სათანადოდ გამოცემულ მონოგრაფიაში. დამუშავებული აქვს მონოგრაფია "მშენებლობის ეკონომიკა". საქართველოს ტექნიკური უნივერსიტეტის ასოცირებული პროფესორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.283; საქართველოს ტექნიკური უნივერსიტეტი: construction.gtu.ge

• საქართველოს დამსახურებული ენერგეტიკოსი

• მშენებლობის ეკონომიკა : სახელმძღვ. (თანაავტორი). - თბილისი, ტექნ. უნ-ტი, 2008. - 186გვ.. - ISBN: 9789941141522
• მეთოდური მითითებები ლაბორატორიული სამუშაოების შესასრულებლად მშენებლობის ეკონომიკაში (შემდგენელი). - თბილისი, პოლიტექნ. ინ-ტის გამ-ბა, 1988. - 31გვ.