ქართლოს ყაჭიაშვილი

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი, ელექტრონული გამოთვლითი მანქანების სპეციალობით 1972 წელს; მოსკოვის ენერგეტიკის ინსტიტუტის გამოყენებითი მათემატიკის კათედრის ასპირანტურა 1977 წელს.

1972-1974წწ. იყო მრეწველობის ავტომატიზაციის სამეცნიერო–კვლევითი ინსტიტუტის ინჟინერი ქ. გორი; 1974–1977წწ. მოსკოვის ენერგეტიკული ინსტიტუტის გამოყენებითი მათემატიკის კათედრის ასპირანტი, ამავე კათედრის უმცროსი მეცნიერ–თანამშრომელი (მოსკოვი); 1977–1981წწ. სამეცნიერო საწარმოო გაერთიანება "ელვას" ლაბორატორიის გამგე (თბილისი); საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის დოცენტი (შეთავსებით); 1981–1992 წწ. თბილისის სამეცნიერო საწარმოო გაერთიანება "ანალიზხელსაწყოს" განყოფილების გამგე (თბილისი); საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტი, პროფესორი (შეთავსებით); 1992–2001წწ. საქართველოს გარემოსა და ბუნებრივი რესურსების სამინისტროს გარემოს მონიტორინგის ეროვნული ცენტრის უფროსი; საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის პროფესორი (შეთავსებით); თბილისის სახელმწიფო უნივერსიტეტის მათემატიკის ფაკულტეტის პროფესორი (შეთავსებით); თბილისის სახელმწიფო უნივერსიტეტის ი. ვეკუას სახ. გამოყენებითი მათემატიკის ინსტიტუტის მთავარი მეცნიერ თანამშრომელი (შეთავსებით); 2001–2007წწ. თბილისის სახელმწიფო უნივერსიტეტის ი. ვეკუას სახ. გამოყენებითი მათემატიკის ინსტიტუტის მთავარი მეცნიერ თანამშრომელი; საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის პროფესორი (შეთავსებით); 2007–2012წწ. ლაჰორის სახელმწიფო კოლეჯ–უნივერსიტეტის აბდუს სალამის სახელობის მათემატიკურ მეცნიერებათა სკოლის უცხოელი პროფესორი (პაკისტანი); თბილისის სახელმწიფო უნივერსიტეტის ი. ვეკუას სახ. გამოყენებითი მათემატიკის ინსტიტუტის მთავარი მეცნიერ თანამშრომელი (საზოგადოებრივ საწყისებზე); 2011 წლიდან საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის პროფესორი; თბილისის სახელმწიფო უნივერსიტეტის ი. ვეკუას სახ. გამოყენებითი მათემატიკის ინსტიტუტის უფროსი მეცნიერ თანამშრომელი (შეთავსებით); საქართველოს ტექნიკური უნივერსიტეტის მუსხელიშვილის სახ. გამოთვლითი მათემატიკის ინსტიტუტის მთავარი მეცნიერ თანამშრომელი (შეთავსებით 2019 წლიდან); 1993–2006წწ. მსოფლიო მეტეოროლოგიური ორგანიზაციის (WMO) ბაზისური სისტემების კომისიის (CBS) წევრი; 1997–2000წწ. თბილისის სახელმწიფო უნივერსიტეტის სადისერტაციო საბჭოს Ph.M.0108.CN5 წევრი; 1997–2006წწ. საქართველოს ტექნიკური უნივერსიტეტის სადისერტაციო საბჭოს T 05.13.CN4 წევრი; 2020 წლიდან საქართველოს ტექნიკური უნივერსიტეტის საუნივერსიტეტო სადისერტაციო საბჭოს წევრი ინფორმატიკაში, მართვაში და ხელსაწყოთმშენებლობაში; 30 საერთაშორისო სამეცნიერო ჟურნალის რედაქტორი, თანარედაქტორი, საპატიო რედაქტორი, სარედაქციო საბჭოს წევრი. მათ შორის – სამი იმპაქტ ფაქტორიანი ჟურნალი; მრავალი საერთაშორისო (აგრეთვე ყოფილი საკავშირო) კონფერენციის ორგკომიტეტების, საპროგრამო კომიტეტების, მრჩეველთა კომიტეტების წევრი, სესიის ორგანიზატორი, სექციის თავჯდომარე, მიპატიჟებული მომხსენებელი; ტექნიკურ მეცნიერებათა კანდიდატი (მარტი, 1978) სპეციალობა: "ტექ­ნიკური კიბერნეტიკა და ინფორმაციის თეო­რია". დისერტაცია დაცული იქნა მოსკოვის ენ­ერ­გე­ტი­კულ ინსტიტუტში (რუსეთი); დისერტაციის თე­მა: "მოძრავი ობიექტების აღმოჩენა და მიყოლა რა­დიო­ლოკაციური გაზომილი ინფორმაციის საფუძ­ველ_­­ზე"; ტექნიკურ მეცნიერებათა დოქტორი (ოქტომბერი, 1990) სპე­ცი­ა­ლო­ბა: "კომპიუტერული ტექნიკის, მათემატიკური მო­დე­ლირების და მათემატიკური მეთოდების გამოყე­ნე­ბა კვლევებში" და "გარემოს, ნივთიერებების, მა­სა­ლების და საგნების კონტროლის საშუალებები და მეთოდები". დისერტაცია დაცული იქნა დ. მენ­დე­ლეევის სახ. მოსკოვის ქიმიურ-ტექნოლოგიურ ინს­ტიტუტში (რუსეთი). დისერტაციის თემა: "მა­თემატიკური მოდელები, მეთოდები და ალ­გო­რით­მები ბუნებრივი გარემოს წყლის ობიექტების გა­ბინძურების დონის კონტროლის სისტემური ავ­ტო­მატიზაციისათვის". გამოქვეყნებული აქვს 251 სამეცნიერო ნაშრომი, 5 სახელმძღვანელო (ქართულ, რუსულ და ინგლისურ ენებზე (მათგან ერთი ინდონეზიაში), 7 მონოგრაფია (რუსულ და ინგლისურ ენებზე - ერთი კიევში, ოთხი აშშ-ში, ერთი ინგლისში). პროფესორი (2000). 

წყარო: საქართველოს ტექნიკური უნივერსიტეტის ადმინისტრაციის ვებგვერდი: gtu.ge

• ამერიკის მათემატიკური საზოგადოება, წევრი (2022-)
• კომპიუტერულ მეცნიერებათა და სისტემების საერთაშორისო აკადემია, ნამდვილი წევრი (1993-)
• საქართველოს მათემატიკოსთა კავშირის (სმკ), წევრი (2022-)
• საქართველოს მეცნიერებათა ეროვნული აკადემია, აკადემიკოსი (2022-)
• საქართველოს ტექნიკური უნივერსიტეტის აკადემიური საბჭო, წევრი (2020-)

• 2012 - ღირსების ორდენი

• მანქანური სწავლების მეთოდები და ალგორითმები : სემინარული სამუშაოს მეთოდური მითითებანი (ავტორი). - თბილისი, ტექ. უნ-ტი, 2021. - 26გვ.. - ISBN: 9789941817533