მაკა სალხინაშვილი

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 1996 წელს; ასპირანტურა და დაიცვა საკანდიდატო დისერტაცია ადმინისტრაციულ სამართლის მიმართულებით 1998 წელს.

1996 წლიდან დღემდე ეწევა პედაგოგიურ მოღვაწეობას კერძო და საჯარო უმაღლეს სასწავლებლებში; გარდა ამისა, იგი აქტიურად არის დაკავებული პრაქტიკული საქმიანობით 5 წელი მუშაობდა იურიდიულ კონსულტანტად დევნილთა უფლებებზე მომუშავე არასამთავრობო ორგანიზაციებში; 7 წელი ხელმძღვანელობდა სამართლებრივი უზრუნველყოფის სამმართველოს საქართველოს ენერგეტიკისა და წყალმომარაგების მარეგულირებელ ეროვნულ კომისიაში; 2 წელი სსიპ სოფლის მეურნეობის სამეცნიერო კვლევითი ცენტრის იურიდიული სამსახურის უფროსი იყო; 2015 წლიდან დღემდე შპს "ჯორჯიან უოთერ ენდ ფაუერში" ხელმძღვანელობს მარეგულირებელთან ურთიერთობის და ადმინისტრაციული წარმოების სამსახურს; წლების განმავლობაში მონაწილეობას იღებს კონფერენციებსა და სემინარებში როგორც საქართველოში, ისე საზღვარგარეთ; იყო საქართველოს იუსტიციის უმაღლეს სკოლაში მოსამართლეთა საკვალიფიკაციო საგამოცდო კომისიის წევრი; ადმინისტრაციულ მეცნიერებათა 25-ე საერთაშორისო კონგრესის წევრი; საქართველოს ადვოკატთა ასოციაციის ადვოკატთა საკვალიფიკაციო საგამოცდო კომისიის წევრი; სსიპ სოფლის მეურნეობის სამეცნიერო-კვლევითი ცენტრის საკონკურსო-საატესტაციო კომისიის წევრი; საქართველოს ადვოკატთა ასოციაციის ჟურნალ "ადვოკატის" სარედაქციო კოლეგიის წევრი; 2019 წლიდან ჟურნალის - "იურისტი გირჩევთ" რედკოლეგიის წევრი; ავტორია, როგორც საქართველოში, ისე უცხოეთში გამოქვეყნებული 60-ზე მეტი სამეცნიერო ნაშრომისა. აკადემიური დოქტორი, პროფესორი.

წყარო: საქართველოს ადვოკატთა ასოციაცია: gba.ge

• საქართველოს ადვოკატთა ასოციაცია, წევრი (2007-)
• საქართველოს ადვოკატთა ასოციაციის ადმინისტრაციული სამართლის კომიტეტი, თანათავმჯდომარე (2022-)