ვალერიან საღლიანი

დაბადების ადგილი: სოფელი ცხუმარი, მესტიის რაიონი.

დაამთავრა თბილისის სახელმწიფო უნივერსიტეტის, ჟურნალისტიკის ფაკულტეტი 1955 წელს.

მუშაობდა საქართველოს რადიოში დასავლეთ საქართველოს ზონის კორესპოდენტად; 1960-1966წწ. აირჩიეს სოფელ ცხუმარის კოლმეურნეობის თავმჯდომარედ; სხვადასხვა დროს მუშაობდა ზუგდიდის გაზეთ "ლილეში"; 1994 წლიდან სიცოცხლის ბოლომდე მუშაობდა მესტიის რაიონულ გამგეობაში პრესსამსახურის ხელმძღვანელად. მისი ნამუშევრები (ლექსები, პუბლიკაციები, ნარკვევები) პარალელურად იბეჭდებოდა ჟურნალებში "ცისკარში", "მნათობში", ალმანახ "პირველ სხივში" და სხვადასხვა ჟურნალ-გაზეთებში. ხანგრძლივი და ნაყოფიერი მუშაობისათვის ხელისუფლების მიერ დაჯილდოებული იყო მრავალი მედლითა და საპატიო სიგელით.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.335

• სალამი, მთებო (ავტორი). - თბილისი, საბჭ. საქართველო, 1976. - 70გვ.
• მთები გვეძახიან (ავტორი). - თბილისი, ნაკადული, 1966. - 35გვ.