გენრიხ რატიანი

დაბადების ადგილი: ქ. თბილისი.

1940 წელს ჩაირიცხა თბილისის რკინიგზის სატრანსპორტო ინსტიტუტის მექანიკურ ფაკულტეტზე; 1942 წელს გაიწვიეს საბჭოთა არმიის რიგებში; ომის დამთავრების შემდეგ გააგრძელა სწავლა რკინიგზის ინსტიტუტში, დაამთავრა ინჟინერ-მექანიკოსის კვალიფიკაციით 1950 წელს.

მუშაობა დაიწყო თბილისის საელმავალო დეპოში. 1951-1955წწ. - ასპირანტი. ტექნიკურ მეცნიერებათა კანდიდატი (1955). 1956-1964წწ. ენერგეტიკის ინსტიტუტში ჩაატარა კვლევები თბური ტუმბოების დანერგვასთნ დაკავშირებით, გამოიკვლია თბოგადაცემის პროცესები ატომური რეაქტორის კასეტებში, შეისწავლა ხელოვნურ ხაოიანობის ზედაპირებზე თბოგადაცემის ინტენსიფიკაციის მოვლენები. 1965-1970წწ. მუშაობდა თბილისის სტაბილური იზოტოპების ინსტიტუტში. 1957 წლიდან ლექციებს კითხულობდა პოლიტექნიკურ ინსტიტუტში, ჯერ თერმოდინამიკისა და თბოგადაცემის, შემდეგ კი თბოაირმომარაგებისა და ვენტილაციის კათედრაზე. სამოცდაათიანი წლებიდან ერთ-ერთ წამყვან როლს ასრულებდა საქართველოს ტექნიკურ უნივერსიტეტში თბოტექნიკური სპეციალობების სტუდენტებისათვის სასწავლო ბაზის შექმნაში. 60-ზე მეტი სამეცნიერო ნაშრომის ავტორი, მათ შორის, ორი სახელმძღვანელო და თორმეტი გამოგონება. პროფეროსი (1992). მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.288

• საქართველოს ენერგეტიკის აკადემია, ნამდვილი წევრი (1995-)

• სამამულო ომის II ხარისხის ორდენი
• ღირსების მედალი

• ჰაერის კონდიცირება და სიცივით მომარაგება : სახელმძღვანელო (თანაავტორი). - თბილისი, ტექნ. უნ-ტი, 2015. - 312გვ.. - ISBN: 9789941204593
• სამშენებლო თბოფიზიკა : სახელმძღვ. პოლიტექნ. ინ-ტის თბოაირმომარაგებისა და ვენტილაციის სპეც. სტუდენტებისათვის (თანაავტორი). - თბილისი, განათლება, 1979. - 207გვ.
• თბოაირმომარაგება და ვენტილაცია : სახელმძღვ. პოლიტექნ. ინ-ტის სამრეწველო და სამოქალაქო მშენებლობის სპეციალობის სტუდენტებისათვის (თანაავტორი). - თბილისი, განათლება, 1977. - 423გვ.