იოსებ ჩახვაშვილი

დაბადების ადგილი: ქ. თბილისი.
დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტის საზღვარგარეთის ქვეყნების სოციალურ-ეკონომიკური და პოლიტიკური გეოგრაფიის სპეციალობით 1972 წელს; 1975-1979წწ. იყო თბილისის სახელმწიფო უნივერსიტეტის ეკონომიკური და სოციალური გეოგრაფიის ფაკულტეტის ასპირანტი.

1973-1976წწ. იყო საბჭოთა სპეციალისტების წარმომადგენელი ისპაჰანის (ფოლადშაჰრი, ირანი) მეტალურგიულ ქარხანაში; 1979-1986წწ. თბილისის სახელმწიფო უნივერსიტეტის საზღვარგარეთის ქვეყნების სტუდენტთა ფაკულტეტის დეკანის მოადგილე;1998-1999წწ. საქართველოს საგარეო საქმეთა სამინისტროს აზიის, აფრიკის, ავსტრალიისა და ოკეანეთის ქვეყნების დეპარტამენტის დირექტორის მოადგილე; 1999-2000წწ. საქართველოს საგარეო საქმეთა სამინისტროს აზიის, აფრიკის, ავსტრალიისა და ოკეანეთის ქვეყნების დეპარტამენტის დირექტორი; 2000-2004წწ. საქართველოს პრეზიდენტის კანცელარიის საგარეო პოლიტიკის ანალიზის სამსახურის უფროსი; 2004-2008წწ. თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის სოციალური გეოგრაფიის განყოფილების ასისტენტ-პროფესორი; 2008-2009წწ. რეინტეგრაციის საკითხებში სახელმწიფო მინისტრის აპარატის პოლიტიკური ანალიზის სამსახურის უფროსი; 2009-2013წწ. საქართველოს საგანგებო და სრულუფლებიანი ელჩი თურქმენეთში – აკრედიტებული ავღანეთის ისლამურ რესპუბლიკაში; 2014 წლიდან საქართველოს საგანგებო და სრულუფლებიანი ელჩი ირანის ისლამურ რესპუბლიკაში აკრედიტებული პაკისტანის ისლამურ რესპუბლიკაში. მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.172