ევლოგი გაბელაია

დაბადების ადგილი: სოფელი ნოღოხაში, აბაშის რაიონი.

1958 წელს შრომითი საქმიანობა ბათუმის ერთ-ერთ წარმოებაში დამხმარე მუშად დაიწყო; 1959 წელს ჯარში გაიწვიეს, სამხედრო სამსახურს საზღვაო ფლოტში გადიოდა, საიდანაც უფროსი ზემდეგის წოდებით დაბრუნდა და 1964 წელს ბათუმის საზღვაო პორტის სანავსადგურო ფლოტში დაიწყო მუშაობა; საქმიანობა მოტორისტად დაიწყო მცირე ფლოტილიის გემებზე: «Храбрый» (1964), «Чорохи» (1966) და «Шторм» (1967), 1968 წელს კი ცურვა საქართველოს საზღვაო სანაოსნოს შორეული ნაოსნობის გემებზე გააგრძელა, ჯერ  ტანკერ «Актау»-ს მოტორისტად, მომდევნო წლებში კი მოტორისტად და სარემონტო მექანიკოსად ცურავდა ტანკერებზე: «Бузовны» (1970-1971), «Поти» (1974-1977) და «Изяслав»; 1979-1981 წლებში გემ «Изяслав-ის» მეოთხე მექანიკოსად საქმიანობდა; მომდევნო წლებში მესამე და მეორე მექანიკოსის მოვალეობებს ასრულებდა ტანკერებზე «Изяслав», «Адигени» (1982), «Анапа» (1984) და «Академик Узнадзе»; 1989 წელს კი «Академик Узнадзе»-ს უფროს მექანიკოსად დაინიშნა; 1989-1993 წლებში ტანკერ «Капитан А. Качарава»-ს უფროსი მექანიკოსის მოვალეობებსაც ასრულებდა. შორეული ნაოსნობის გემთინჟინერი და უფროსი მექანიკოსი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com