სერგეი რუტკოვსკი

დაბადების ადგილი: სოფელი მოკროე (ბიხოვის მაზრა, ახლანდელი ბელორუსია).

დაამთავრა თბილისის სახელმწიფო უნივერსიტეტის პოლიტექნიკური ფაკულტეტი ინჟინერ-ჰიდროტექნიკოსის კვალიფიკაციით 1925 წელს.

1926-1929წწ. მუშაობდა ზაჰესის მშენებლობაზე და დირექციის სამმართველოში; 1930 წლიდან - "თბილჰიდროპროექტში" სხვადასხვა თანამდებობებზე: უფროსი ინჟინერი, განყოფილების გამგის მოადგილე, განყოფილების გამგე, პროექტის მთავარი ინჟინერი, ხრამჰეს-1-ის ბიუროს უფროსი, "თბილჰიდროპროექტის" მთავარი სპეციალისტი, ტრესტ "ხრამჰესმშენის" მთავარი ჰიდროტექნიკოსი. მნიშვნელოვანი წვლილი შეიტანა ხრამჰეს-1-ის დაგეგმარებასა და მშენებლობის საქმეში. მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.291

• 1951 - სტალინური პრემია
  ხრამჰეს-1-ის მშენებლობის წარმატებით დამთავრებასთან დაკავშირებით
• შრომის წითელი დროშის ორდენი (2 ორდენი)
• საქართველოს დამსახურებული ინჟინერი