სოლომონ ბალაძე

დაბადების ადგილი: სოფელი სალიბაური, ხელვაჩაურის მუნიციპალიტეტი.

დაამთავრა ბათუმის საზღვაოსნო სასწავლებლის სანავიგაციო, გემთწამყვანი ფაკულტეტი 1960 წელს.

მომდევნო წლებში სხვადასხვა სანაოსნოების გემებზე გაიარა ყველა საფეხური რიგითი მატროსობიდან შორეული ნაოსნობის კაპიტნობამდე; წლების მანძილზე ცურავდა საოკეანო თევზჭერის ფლოტილიის გემებზე, იყო გადამამუშავებელი და თევზსაკონსერვო მცურავი ბაზის კაპიტან-დირექტორი; 1986 წლიდან ეწეოდა პედაგოგიურ საქმიანობას ბათუმის საზღვაოსნო სასწავლებელში, 1992 წლიდან კი ბათუმის სახელმწიფო საზღვაო აკადემიაში; საზღვაო-საინჟინრო ფაკულტეტზე კითხულობდა ლექციებს საზღვაო ასტრონომიასა და გემთწამყვანობის  სხვა სპეციალურ დისციპლინებში; წლების მანძილზე შორეულ ნაოსნობებში ხელმძღვანელობდა კურსანტების საზღვაო-სასწავლო პრაქტიკებს; არის ასტრონავიგაციის სახელმძღვანელოს ავტორი. ს. ბალაძის მიერ დამზადებული მზის საათი განთავსებულია და ამშვენებს ბათუმის სახელმწიფო საზღვაო აკადემიის ტერიტორიას. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com

• 2011 - ღირსების ორდენი
  საზღვაო სპეციალისტების აღზრდის საქმეში გაწეული ღვაწლისთვის