მალხაზ სადრაძე

დაბადების ადგილი: ქ. წყალტუბო.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი 1973 წელს და მიენიჭა სამთო ინჟინრის კვალიფიკაცია.

1973-1980წწ. მუშაობდა "საქნავთობის" აღმოსავლეთ საქართველოს საძიებო ბურღვის სამმართველოში მბურღავად, ბურღვის ოსტატად, სარაიონო სამსახურის ბურღვის ცვლის ინჟინრად, უსაფრთხოების ტექნიკის ინჟინრად და ცვლის უფროსად; 1980 წლიდან - ჩრდილოეთ კავკასიის სამეცნიერო-საკვლევი ინსტიტუტის საპროექტო განყოფილებაში უფროს მეცნიერ-თანამშრომლად; ხელმძღვანელობდა ჭაბურღილების მშენებლობის ტექნიკური პროექტების შედგენას; 1981-1986წწ. იყო საწარმოო გაერთიანება "საქნავთობის" გეოლოგიურ საძიებო კანტორაში საწარმოო-ტექნიკური განყოფილების უფროსი; ამავდროულად ეწეოდა პედაგოგიურ მოღვაწეობას საქართველოს პოლიტექნიკურ ინსტიტუტში. 1986 წლიდან - გეოლოგიურ საძიებო კანტორის მთავარი ინჟინერი; 1996 წლიდან - შპს "კანარგო-ჯორჯიაში" ბურღვის ინჟინერი; 1998 წლიდან - ამავე საწარმოში ბურღვის მენეჯერი. დანერგილი აქვს მრავალი რაციონალიზატორული წინადადება მაღალი ეკონომიკური ეფექტიანობით. მიღებული აქვს მრავალი ქების სიგელი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.293