ლევან ცინცაძე

დაბადების ადგილი: ქ. თბილისი.
დაამთავრა მოსკოვის ფიზიკისა და ტექნოლოგიების ინსტიტუტი 1989 წელს; თბილისის სახელმწიფო უნივერსიტეტი, პლაზმის ფიზიკის სპეციალობით 1990 წელს.

1989-1994წწ. მუშაობდა ფიზიკის ინსტიტუტში უმცროს მეცნიერ-თანამშრომლად და მეცნიერ-თანამშრომლად; 1994-2013წწ. უფროს მეცნიერ-თანამშრომლად; 1991 წელს იყო მოწვეული ფიზიკოსი JET Joint Undertaking, ქ. აბინგდონში, დიდი ბრიტანეთში; 1993-1994წწ. მუშაობდა პლაზმის ფიზიკის ინსტიტუტში ქ. იულიჰში, (გერმანიის ფედერაციული რესპუბლიკა); 1994-1995წწ. ანტვერპენის უნივერსიტეტის მეცნიერ-თანამშრომელი, (ანტვერპენი, ბელგიის სამეფო); 1995-2012წწ. მოწვეული პროფესორი, ასოცირებული პროფესორი, მეცნიერ თანამშრომელი ჰიროშიმას, ოსაკას, კიოტოს და ცუკუბას უნივერსიტეტებში და ატომური ენერგიის კვლევის ინსტიტუტში, იაპონია; 2004-2005წწ. მუშაობდა საქართველოს განათლებისა და მეცნიერების სამინისტროს სახელმწიფო საქვეუწყებო დაწესებულების – მეცნიერებისა და ტექნოლოგიების დეპარტამენტის თავმჯდომარედ; 06/2005-12/2005 წელს საქართველოს ეროვნული სამეცნიერო ფონდის დირექტორი; 2004-2005წწ. საქართველოს ეროვნულ მეცნიერებათა კომიტეტის თავმჯდომარე იუნესკოში; ნატოს სამეცნიერო კომიტეტის ასოცირებული წევრი; საქართველოს წარმომადგენელი საერთაშორისო მეცნიერებისა და ტექნოლოგიების ცენტრის მმართველთა საბჭოში და უკრაინის მეცნიერებისა და ტექნოლოგიების ცენტრის მმართველთა საბჭოში; ამერიკის სამოქალაქო კვლევისა და განვითარების ფონდის წარმომადგენელი საქართველოს მთავრობაში; 6/06/2013-5/12/2013 წელს საქართველოს საგარეო საქმეთა სამინისტროს საერთაშორისო ეკონომიკურ ურთიერთობათა დეპარტამენტის დირექტორი; არის 97 სამეცნიერო შრომის ავტორი და ამერიკის სამოქალაქო კვლევისა და განვითარების ფონდის ჯილდოს მფლობელი. მინიჭებული აქვს საგანგებო და სრულუფლებიანი ელჩის დიპლომატიური რანგი (2014). 2013-2019წ. საქართველოს საგანგებო და სრულუფლებიანი ელჩი იაპონიაში და მარშალის კუნძულების რესპუბლიკაში. 1992 წელს აქვს მინიჭებული ფიზიკა-მათემატიკის მეცნიერებათა კანდიდატის ხარისხი; 2004 წელს – ფიზიკა-მათემატიკის მეცნიერებათა დოქტორის ხარისხი.

წყარო:  დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.179