ნიკიფორე სამინავა

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1956 წელს.

მუშაობდა ქ. ნოვოკუზნეცკში; 1958 წლიდან - "საქმთავარენერგო", ინჟინერ-ნორმადარი, სარელეო დაცვის სამსახურის ინჟინერი, უფროსი ინჟინერი, სამსახურის უფროსი, 1-ლი საქსელო რაიონის უფროსი; 1975-1986წწ. - ცხაკაიას ელექტროქსელის მთავარი ინჟინერი. გარდაცვალებამდე, უკანასკნელი წლის განმავლობაში იყო ცხაკაიას ელექტროქსელის დირექტორი. 1966-1979წწ. მუშაობდა საქართველოს პოლიტექნიკური ინსტიტუტის ფოთის საღამოს განყოფილებაში უფროს მასწავლებლად, კითხულობდა ლექციების კურსს ელექტროტექნიკის თეორიულ საფუძვლებში. მისი ხელმძღვანელობით ცხაკაიას ელექტროქსელს არაერთხელ დაუკავებია საპრიზო ადგილები 35 კვ და ზევით ძაბვის ქსელის ელექტრომონტიორების რესპუბლიკურ და საკავშირო დათვალიერება-კონკურსებში. დაჯილდოებული იყო სამკერდე ნიშნებით "ენერგეტიკის ფრიადოსანი" და "გოელროს 60 წლისთავი".

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.296

• 1982 - საქართველოს დამსახურებული ენერგეტიკოსი
• შრომის ვეტერანის მედალი
• საპატიო ნიშნის ორდენი