ავთანდილ ქვარიანი

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებლის გემთწამყვანი ფაკულტეტი შორეული ნაოსნობის შტურმანის სპეციალობით 1971 წელს; ნოვოროსიისკის უმაღლესი საზღვაო-საინჟინრო სასწავლებელი (НВИМУ) 1989 წელს.

ზღვაში შრომითი საქმიანობა თავდაპირველად რიგით მატროსად დაიწყო საქართველოს საზღვაო სანაოსნოს გემებზე. ცურავდა ტანკერებზე : «ФРИДРИХ ЭНЬГЕЛЬС», «БОРЖОМИ» და «НАДЕЖДА  КУРЧЕНКО», 1974 -1982 წლებში შტურმანად - კაპიტნის მეოთხე, მესამე და მეორე თანაშემწედ ცურავდა  გემებზე: «ЗАХАРИЙ  ПАЛИАШВИЛИ», «ИЗЯСЛАВ», «ПОТИ»,  «ЧКАЛОВ», «Пятидесятилетие Советской Грузии», «ХЕРСОН»-სა და «ГЕНЕРАЛ МЕРКВИЛАДЗЕ»-ზე, 1983-1989 წლებში კი უკვე უფროს ოფიცრად - კაპიტნის უფროს თანაშემწედ სანაოსნოს ტანკერებზე: «ЭВЕНСК», «АНАПА», «СУХУМИ», «КОМАНДАРМ ФЕДЬКО»-სა და «ТБИЛИСИ»-ზე; ზღვაში საქმიანობის პარალელურად  დაუსწრებლად სწავლობდადა ნოვოროსიისკის უმაღლესი საზღვაო-საინჟინრო სასწავლებელში (НВИМУ), გახდა კაპიტანი და 1991 წლიდან უკვე დამოუკიდებლად, შორეული ნაოსნობის კაპიტნის რანგში მეთაურობდა და მართავდა საქართველოს საზღვაო სანაოსნოსა და ქართულ-ინგლისური ერთობლივი სანაოსნო კომპანია «ANGLO-GEORGIAN SHIPPING»-ის არაერთ გემს; მომდევნო წლებში იგი სხვადასხვა უცხოური სანაოსნო კომპანიების გემებზე განაგრძობს საქმიანობას და ძირითადად სუპერტანკერებზე დაცურავს; ნაპირზე დაბრუნების შემდეგ საჯარო სამსახურშია, საქმიანობდა საქართველოს საზღვაო ადმინისტრაციასა და  საზღვაო უსაფრთხოების დეპარტამენტის უფროსად საზღვაო ტრანსპორტის სააგენტოში. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com