გრიგოლ სილაგაძე

დაამთავრა ორწლიანი საბუღალტრო კურსები 1924 წელს; საქართველოს ინდუსტრიული ინსტიტუტის გეოლოგიური ფაკულტეტი, სამთო-ინჟინრის კვალიფიკაციით 1933 წელს; 1933-1936წწ. კვალიფიკაციას იმაღლებდა ურალში, ქ. სვერდლოვსკის მინერალოგიის ინსტიტუტში.

საბუღალტრო კურსების დამთავრების შემდეგ მუშაობდა აჭარის ფინანსთა სამინისტროში ბუღალტრად. იყო ქედის, ბათუმის და ჩაქვის ბანკების მთავარი ბუღალტერი; 1938-1940წწ. მუშაობდა აზერბაიჯანში "აზნეფტის", "ნაფტი-ჭალის" ტრესტში გეოლოგად, მთავარი გეოლოგის მოადგილედ ღრმა ბურღვისა და ნავთობის ამოღების დარგში. ამ პერიოდში გახდა ორი გამოგონების ავტორი. 1940 წლიდან გარდაცვალებამდე მუშაობდა "საქნავთობის" სისტემაში, იყო ბურღვის კანტორის მთავარი გეოლოგი, ნავთობსარეწის, გეოლოგიურ-საძიებო, ნავთობ-საძიებო კანტორების დირექტორი და თემატური პარტიის უფროსი. ოთხჯერ იქნა არჩეული თბილისის ორჯონიკიძის რაისაბჭოს დეპუტატად, სამჯერ ფოთის საქალაქო საბჭოს დეპუტატად. გამოქვეყნებული აქვს 25 სამეცნიერო ნაშრომი და ჟურნალ-გაზეთებში 60-ზე მეტი სტატია.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.304

• მედალი "1941-1945 წლებში დიდ სამამულო ომში მამაცური შრომისთვის"
• შრომის წითელი დროშის ორდენი