სერგეი სვირსკი

დაბადების ადგილი: ქ. ბორჯომი.

დაამთავრა ბათუმის საზღვაოსნო სასწავლებლის გემთწამყვანი ფაკულტეტი 1974 წელს; ნოვოროსიისკის უმაღლესი საზღვაო-საინჟინრო სასწავლებელი (НВИМУ) ინჟინერ-გემთწამყვანის სპეციალობით 1987 წელს.

ზღვაში პროფესიული საქმიანობა საქართველოს საზღვაო სანაოსნოში  დაიწყო ტანკერზე - «АДИГЕНИ»; 1976-1981წწ. სანაოსნოს ტანკერ «АЛЕКСИН»-ზე გაიარა ყველა საფეხური მატროსობიდან კაპიტნის მეორე თანაშემწეობამდე, 1984 წელს კი ტანკერ «НАДЕЖДА  КУРЧЕНКО»-ს ჯერ კაპიტნის უფროსი თანაშემწე, მოგვიანებით კი კაპიტნის მოვალეობის შემსრულებელი გახდა; 1987 და 1989 წლებში კაპიტნის უფროს თანაშემწედ ცურავდა  ტანკერებზე «ВЕЛИКИЙ ОКТЯБРЬ» და «Пятидесятилетие Советской Грузии»; სწორედ ამ უკანასკნელ გემზე, სახელოვანი  კაპიტნის, გივი კობალაძისაგან მიიღო და გადაიბარა ამ ტანკერის კაპიტნობა, რომლის ეკიპაჟსაც მომდევნო 1989-1992 წლებში უკვე დამოუკიდებლად მეთაურობდა; შემდეგ იყო ტანკერები «Илья Чавчавадзе» და «Давид Бакрадзе», 1995 წელს კი იყო იმჟამად უკვე უცხოური დროშის ქვეშ მცურავი ტანკერ «PIROSMANI»-ს კაპიტანი; სიცოცხლის უკანასკნელი წლები კაპიტანმა სვირსკიმ ნაპირზე გაატარა; 1997-2004წწ. იგი სუპერინტენდანტად სანაოსნო კომპანია «Columbia Shipmanagement»-ში საქმიანობდა და ამ კომპანიის წარმომადგენლის მოვალეობებს ასრულებდა ქალაქ ბათუმში. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com