ბიძინა სიჭინავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო ფაკულტეტი ნავთობის და გაზის ჭაბურღილების ბურღვის სპეციალობით 1956 წელს და მიენიჭა სამთო ინჟინრის კვალიფიკაცია.

1956 წელს მუშაობა დაიწყო ნავთობის საკავშირო სამეცნიერო-კვლევით ინსტიტუტში მეცნიერ-მუშაკის თანამდებობაზე; 1961 წლიდან მუშაობდა ტრესტ "საქნავთობის" კოლხეთის ბურღვის კანტორაში უფროს ინჟინრად, საწარმოო ტექნიკური განყოფილების უფროსად, უბნის უფროსად, მთავარ ინჟინრად; 1967-1973წწ. - "საქნავთობის" თბილისპირა ღრმა საძიებო ბურღვის მთავარ ინჟინრად; 1975 წლიდან - ამიერკავკასიის ღრმა საძიებო ბურღვის ექსპედიციაში მთავარ ტექნოლოგად, ტექნიკური განყოფილების უფროსად, მთავარ ინჟინრად; 2003 წლიდან გარდაცვალებამდე - "საქტრანსგაზში" მთავარ დისპეტჩერად. მიღებული ჰქონდა მთავრობის ჯილდოები. იყო მრავალი გამოგონებისა და რაციონალიზატორული წინადადების ავტორი.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.306