რევაზ სიჭინავა

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი სპეციალობით "სამრეწველო საწარმოთა ელექტროფიკაცია" 1957 წელს.

მუშაობა დაიწყო საქართველოს ადგილობრივი მრეწველობის სამინისტროს ტრესტ "საქკომუნენერგოში" ინჟინრის თანამდებობაზე. 1958 წლიდან - ამავე სამინისტროს ენერგეტიკისა და მთავარი მექანიკის განყოფილებაში უფროსი ინჟინერი; სამინისტროს ორად გაყოფის შემდეგ - ადგილობრივი მრეწველობის სამინისტროს ტექნიკურ სამმართველოში უფროსი ინჟინერი; სამინისტროს ლიკვიდაციის შემდეგ - ტრესტ "საქკომუნენერგოს" მთავარი ინჟინერი, მმართველის მოადგილე; 1963 წლიდან - "საქმთავარენერგოში", დასავლეთ საქართველოს ელექტორქსელების უფროსი ინჟინერი; 1965 წლიდან "საქმთავარენერგოს" საპროექტო ინსტიტუტ "საქენერგოპროექტში" ელექტროტექნიკური განყოფილების უფროსი, მთავარი ინჟინერი; 1975 წლიდან - ამავე ორგანიზაციის დირექტორი; 1979-1981წწ. "საქმთავარენერგოს დისპეტჩერული და ტექნოლოგიური მართვის საშუალებათა საქსელო საწარმოს" დირექტორი; 1981-1999წწ. ინსტიტუტ "საქენერგოპროექტის" დირექტორი. დაჯილდოებული იყო მთავრობის ჯილდოებით.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.306-307