ნათია ჯაფარიძე

დაბადების ადგილი: ქ. თბილისი.
დაამთავრა ივანე ჯავახიშვილის სახელობის თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი ფრანგული ენისა და ლიტერატურის სპეციალობით 1991 წელს; ლიონის ლუმიერის უნივერსიტეტი, მიენიჭა ფრანგული ენის, ლიტერატურისა და ისტორიის უმაღლესი განათლების დიპლომი 1993 წელს; 2000 წელს გავლილი აქვს სტაჟირება იუნესკოს განათლების დაგეგმარების საერთაშორისო ინსტიტუტში და საფრანგეთის განათლებისა და მეცნიერების სამინისტროში.

1993-2004წწ. იყო ივანე ჯავახიშვილის სახელობის თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტზე ფრანგული ენისა და ლიტერატურის მასწავლებელი; 1993-1994წწ. სახელმწიფო მეთაურის აპარატის მრჩეველი ევროპის საკითხებში; 1994-1995წწ. ფრანგული ჰუმანიტარული დახმარების ასოციაციის Première Urgence კოორდინატორი; 1995-1998წწ. საქართველოში ევროკომისიის დელეგაციის ხელმძღვანელის, ელჩის პირადი თანაშემწე; 1999-2000წწ. საქართველოს განათლების სამინისტროსა და მსოფლიო ბანკის უმაღლესი განათლების რეფორმის კონსულტანტი; 2000-2004წწ. საქართველოში ევროპის საბჭოს საინფორმაციო ოფისის დირექტორი; 2010-2015წწ. საფრანგეთის ბრეტანის რეგიონის ტურიზმის განვითარების ოფისის მრჩეველი; 2016 წლიდან საფრანგეთის კუნძულ გრუას ისტორიისა და ეთნოგრაფიის მუზეუმის ხელმძღვანელი; 2004-2007წწ. საქართველოს საგანგებო და სრულუფლებიანი ელჩი საფრანგეთის რესპუბლიკაში, საქართველოს მუდმივი წარმომადგენელი იუნესკოში; მინიჭებული აქვს საგანგებო და სრულუფლებიანი ელჩის დიპლომატიური რანგი.

წყარო: დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.197