ლეონიდ სხირტლაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი.

1957 წლიდან მუშაობდა ინსტიტუტ "საქენერგოპროექტში" (1963 წლიდან - საკავშირო ინსტიტუტ "ენერგოქსელპროექტის" საქართველოს განყოფილება) ტექნიკოსად, ინჟინრად, უფროს ინჟინრად. 1965 წლიდან სამუშაოდ გადავიდა ახლად შექმნილ ინსტიტუტ "საქენერგოპროექტში" სამშენებლო განყოფილების ჯგუფის ხელმძღვანელად, მთავარ სპეციალისტად, განყოფილების უფროსად; 2002 წლიდან - შპს "საქენერგოპროექტის" მთავარი ინჟინრის მოვალეობის შემსრულებელი, მთავარი ინჟინერი, ტექნიკური დირექტორი; 1999-2005წწ. - შპს "საქართველოს სახელმწიფო ელექტროსისტემაში" მშენებლობისა და პროექტირების სამსახურის პროექტირების სექტორის მთავარი სპეციალისტი, სექტორის უფროსი. მიღებული აქვს სათაო ინსტიტუტის "ენერგოქსელპროექტის" და "საქენერგოს" სიგელები, მადლობები და პრემიები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.310

• შრომის ვეტერანის მედალი