გოდერძი ტაბატაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი სამთო ინჟინრის კვალიფიკაციით 1962 წელს.

1962-1965წწ. მუშაობდა რუსთავის მეტალურგიული ქარხნის მაღაროთა სამმართველო "სადახლოს" ინჟინრად, კირქვების და დოლომიტების საამქროს ცვლის უფროსად; 1965-1979წწ. - საქართველოს მეცნიერებათა აკადემიის სამთო მექანიკის ინსტიტუტის უმცროსი მეცნიერ-თანამშრომელი. ეკონომიკის მეცნიერებათა კანდიდატი (1977). 1979-1981წწ. - საქართველოს ეკონომიკის სამინისტროსთნ არსებული სახალხო მეურნეობის ეკონომიკის, დაგეგმვის და მართვის სამეცნიერო-კვლევითი ინსტიტუტის უფროსი მეცნიერ-თანამშრომელი, სექტორის გამგე; 1981-1983წწ. - საწარმოო გაერთიანება "საქნავთობის" ლილოს ნავთობგაზმომპოვებელი სამმართველოს მთავარი ეკონომისტი; 1983-1984წწ. - საწარმოო გაერთიანება "საქნავთობის" პროფკავშირის კომიტეტის თავმჯდომარე; 1984-1995წწ. - საწარმოო გაერთიანება "საქნავთობის" ნორმატიულ-საკვლევი სადგურის უფროსი; 1995-2005წწ. - შპს "ნავთობსამეცნიეროს" ეკონომიკური კვლევების ლაბორატორიის გამგე; 2001 წელს იმყოფებოდა აშშ-ში როგორც საერთაშორისო პროგრამის "ნავთობის შემოსავლების მენეჯმენტის" წევრი; მიღებული აქვს აშშ-ის ალასკის შტატის პარლამენტის ღირსების სერტიფიკატი; წლების განმავლობაში ეწეოდა პედაგოგიურ საქმიანობას. 1991 წლიდან გარდაცვალებამდე მუშაობდა საქართველოს ტექნიკურ უნივერსიტეტში, 1991-2006წწ. - საქართველოს ტექნიკური უნივერსიტეტის სამთო-გეოლოგიისა და ქიმიურ-მეტალურგიული წარმოების ეკონომიკისა და ორგანიზაციის N49 კათედრის დოცენტი; 2006-2017წწ. - ამავე უნივერსიტეტის ეკონომიკისა და მენეჯმენტის N49 მიმართულების პროფესორი. კითხულობდა ლექციების კურსს საწარმოთა ეკონომიკასა და მენეჯმენტში; გამოქვეყნებული ჰქონდა 100-მდე სამეცნიერო ნაშრომი, მათ შორის, სამეცნიერო სტატიები, სახელმძღვანელოები და სხვა. მისი სამეცნიერო მოღვაწეობის ძირითადი თემატიკა იყო ეკონომიკისა და მენეჯმენტის პრობლემები სამთო საქმისა და გეოლოგიის, ნავთობისა და გაზის დარგში; იყო სამეცნიერო ჟურნალ "საქართველოს ნავთობისა და გაზის" მთავარი რედაქტორის მოადგილე, სარედაქციო კოლეგიის წევრი, მრავალი ადგილობრივი და საერთაშორისო სემინარისა და კონფერენციის აქტიური მონაწილე.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.311; სამთო ჟურნალი=Mining journal=Горный журнал: სამეცნიერო, საინჟინრო, საინფორმაციო, ანალიზური, რეფერირებადი ჟურნალი. -თბილისი, 2022. -N 1(45). -გვ.122-123

• ფირმის ორგანიზაცია და მართვა : დამხმ. სახელმძღვანელო (თანაავტორი). - თბილისი, ტექნ. უნ-ტი, 2018. - 211გვ. . - ISBN: 9789941289934
• ნავთობი - გზა ჭაბურღილიდან რეალიზაციამდე : სახელმძღვ. სტუდ. (თანაავტორი). - თბილისი, სტ. "დამანი", 2012. - 218გვ.. - ISBN: 9789941042294
• ნავთობგაზის კომპლექსის საწარმოთა მენეჯმენტი : სტუ-ს შესაბამისი სპეც. სტუდ. (თანაავტორი). - თბილისი, ტექნ. უნ-ტი, 2002. - 173გვ.. - ISBN: 9992894385
• ნავთობის მრეწველობის განვითარება და მისი ბიზნესი საქართველოში : დამხმ. სახელმძღვ. (თანაავტორი). - თბილისი, ტექნ. უნ-ტი, 2002. - 72გვ.. - ISBN: 9992836628
• ნავთობგაზმომპოვებელი საწარმოს ეკონომიკა (თანაავტორი). - თბილისი, ტექნ. უნ-ტი, 2000. - 151გვ. . - ISBN: 9992836881