ვახტანგ ტალახაძე

დაბადების ადგილი: სოფელი მოლითი, ხარაგაულის რაიონი.

დაამთავრა საქართველოს პოლიტექნიკური ინსტიტუტის ენერგეტიკის ფაკულტეტი 1969 წელს.

მუშაობა დაიწყო თბილისის სრესში და შემდგომი მისი მოღვაწეობა პრაქტიკულად მთლიანად დაკავშირებულია ქვეყნისათვის უდიდესი მნიშვნელობის ამ ობიექტთან. იყო საქვაბე-ტურბინების საამქროს რიგითი ინჟინერი, უფროსის მოადგილე, საამქროს უფროსი, ელექტროსადგურის მთავარი ინჟინრის მოადგილე; 1985 წლიდან - მთავარი ინჟინერი; 1991 წლიდან - დირექტორი; 1994 წლიდან - ტექნიკური დირექტორი; 1995 წლიდან - "თბილსრესის" გენერალური დირექტორი; 2001 წლიდან გარდაცვალებამდე - ტექნიკური დირექტორი. იყო მრავალი რაციონალიზატორული წინადადების, სიახლეების და გამოგონებების ავტორი. დაჯილდოებული იყო საპატიო სიგელით გარდაბნის ღვთისმშობლის ეკლესიის მშენებლობაში წვლილის შეტანის გამო.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.311-312

• საქართველოს დამსახურებული ენერგეტიკოსი
• საქართველოს დამსახურებული ინჟინერი