შამილ ფილფანი

დაბადების ადგილი: სოფელი ლენჯერი, მესტიის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1956 წელს.

1956-1964წწ. მუშაობა დაიწყო მესტიის რაიონულ საავადმყოფოში ქირურგად, სადაც მუშაობდა სხვადასხვა თანამდებობებზე (თერაპევტი, ქირურგი, თვალის ექიმი, მთავარი ექიმის მოადგილე); 1964-1966წწ. გაიარა კლინიკური ორდინატურა თბილისის სახელმწიფო სამედიცინო ინსტიტუტში აკადემიკოს ეგნატე ფიფიას კათედრაზე; ორდინატურის დამთავრების შემდეგ მუშაობას კვლავ აგრძელებს მესტიის რაიონულ საავადმყოფოში მთავარი ექიმის მოადგილედ და ქირურგად; 1968 წელს სამუშაოდ გადავიდა გალის რაიონის სოფ. ოქუმის საუბნო საავადმყოფოს მთავარ ექიმად და ქირურგად; 1974 წლიდან მუშაობა გააგრძელა ოჩამჩირის რაიონულ საავადმყოფოში მთავარი ექიმის მოადგილედ და ქირურგიული განყოფილების გამგედ; აფხაზეთის ომის პერიოდში, მუშაობდა წამყვან ქირურგად ოჩამჩირის სამხედრო ჰოსპიტალში და ქირურგიულ დახმარებას უწევდა ომის წინა ხაზზე დაჭრილ მეომრებს; აფხაზეთის ომის შემდეგ, მუშაობა დაიწყო გარდაბნის რაიონულ საავადმყოფოში ქირურგად; 1995-2005წწ. გადავიდა მესტიის რაიონულ საავადმყოფოში მთავარ ქირურგად, სადაც მუშაობდა სიცოცხლის ბოლომდე. მინიჭებული ჰქონდა უმაღლესი კვალიფიკაციის ქირურგის წოდება. ჰქონდა მრავალი სიგელი, ჯილდო და მედალი.

წყარო: სვანეთი და სვანები / ირაკლი დვალი, გივი ქურდიანი.-თბ., 2014.-გვ.352; ადგილობრივი გაზეთი "ლილე": facebook.com

• 2000 - ღირსების ორდენი