არტემ ტერ-ხაჩატუროვი

დაბადების ადგილი: ქ. ნუხა (აზერბაიჯანი).

დაამთავრა გერმანიის ქ. დარმშტადტის უმაღლესი ტექნიკური სკოლა.

მუშაობა დაიწყო ბაქოს ნავთობის სარეწებში. 1911 წელს საცხოვრებლად გადავიდა თბილისში. მონაწილეობდა ქალაქის ცენტრალური ნაწილის ელექტრიფიკაციაში, ტრამვაის ხაზების დაპროექტება-გაყვანაში; ხელმძღვანელობდა თბილისის ელექტრომეურნეობას; 1921-1924წწ. მუშაობდა "საქენერგოში"; 1921 წლიდან კითხულობდა ელტექნიკურ დისციპლინებს თბილისის პოლიტექნიკურ ინსტიტუტში; 1928 წლიდან მუშაობდა თბილისის სახელმწიფო უნივერსიტეტის პოლიტექნიკურ ფაკულტეტსა და თბილისის პოლიტექნიკურ ინსტიტუტში. საქართველოს პოლიტექნიკურ ინსტიტუტში ელექტრომექანიკური ფაკულტეტის პირველ დეკანად იყო არჩეული; ხელმძღვანელობდა ცენტრალური ელსადგურების კათედრას; 1930 წელს დაინიშნა ენერგეტიკის ინსტიტუტის სასწავლო ნაწილის უფროსად; 1933 წელს - კვლავ პოლიტექნიკური ინსტიტუტის ცენტრალური ელსადგურების კათედრის გამგეა; 1935 წლიდან მუშაობდა თბილთეცის მშენებლობაზე მშენებლობის მთავარ ინჟინრად; 1942 წლიდან - სამეცნიერო-პედაგოგიურ სამუშაოზე. მას ეკუთვნის 90-ზე მეტი სამეცნიერო ნაშრომი და მონოგრაფია. 10 წლის მანძილზე იყო თბილისის საბჭოს დეპუტატი. 1947 წელს მიენიჭა პროფესორის წოდება. მიღებული აქვს სახელმწიფო ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.313-314

• 1944 - საქართველოს მეცნიერებისა და ტექნიკის დამსახურებული მოღვაწე
• შრომის წითელი დროშის ორდენი

• Оптимальная структура систем горных гидроэнергетических районов (ავტორი). - Тбилиси, Изд-во ГПИ, 1958. - 169с.
• Экономичность работ гидро и паросиловых централей в условиях ЗСФСР (ავტორი). - Тбилиси, Закгиз, 1934. - 26с.