ზაალ ბაჩანაშვილი

დაბადების ადგილი: სოფელი ლეჩური, თელავის რაიონი.

დაამთავრა თბილისის სახელმწიფო სამხატვრო აკადემია 1980 წელს. 

ზაალ ბაჩანაშვილის არაერთი გამოფენა წარმატებით მოეწყო როგორც საქართველოში, ისე მის ფარგლებს გარეთ. მხატვრის თითოეული ნამუშევარი უკავშირდება კონკრეტულ ცხოვრებისეულ მოვლენასა და გამოცდილებას, რომლის არსი, მხატვრის რწმენით, მიწიერი და ყოფითი ცხოვრების ზეციურთან თანაზიარობაა. სწორედ მიწიერი და ზეციური ცხოვრების კავშირისა და ზეციური ნათლის გამომხატველია თეთრი წრე, რომელსაც ხშირად  ვხვდებით ზაალ ბაჩანაშვილის ფერწერულ ტილოებში. დიმიტრი შევარდნაძის სახელობის ეროვნულ გალერეაში გაიხსნა მხატვრის გამოფენა "თეთრი წრე", სადაც წარმოდგენილი იყო მხატვრის მიერ ბოლო პერიოდში შექმნილი 70-მდე ფერწერული ტილო.

წყარო:  ხელოვნების მუზეუმის ახალი კოლექცია, 2021-2022 = New collection of the Museum of Fine Arts / რედაქტორ-შემდგენელი ალექსანდრა გაბუნია. -თბ., 2022.- გვ. 100-101; მედიაჰოლდინგი "კვირა":  kvira.ge