უჩა უჩანეიშვილი

დაბადების ადგილი: ქ. გაგრა.

დაამთავრა საქართველოს ტექნიკური უნივერსიტეტი სპეციალობით "ელექტრული სადგურები" 1994 წელს და მიიღო ინჟინერ-ელექტრიკოსის კვალიფიკაცია.

მუშაობა დაიწყო დეპარტამენტ "საქენერგოს" ოპერატიული მართვისა და ენერგიის განაწილების ცენტრის სადისპეტჩერო სამსახურში დისპეტჩერად; 1996 წლიდან - "საქენერგოს" ცენტრალური სადისპეტჩერო სამსახურის უფროსი დისპეტჩერი; 2002 წლიდან - "საქართველოს სახელმწიფო ელექტროსისტემის" მთავარი დისპეტჩერი; 2004-2005წწ. - "საქართველოს სახელმწიფო ელექტროსისტემის" მართვის მენეჯერი; 2005-2008წწ. - "საქართველოს სახელმწიფო ელექტროსისტემის" დისპეტჩერიზაციის აღმასრულებელი მენეჯერი; 2008 წლიდან - სს "საქართველოს სახელმწიფო ელექტროსისტემის" მმართველთა საბჭოს წევრი; 2019 წლიდან - "საქართველოს სახელმწიფო ელექტროსისტემის" მმართველთა საბჭოს თავმჯდომარე; 1998 წელს გაიარა სტაჟირება ამერიკის შეერთებულ შტატებში; 2000-2012წწ. მონაწილეობდა სხვადასხვა ქვეყნებში გამართულ კონფერენციებსა და თათბირებში. მიღებული აქვს მთავრობის ჯილდოები.

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.322

• 2009 - ღირსების ორდენი
• 2006 - ღირსების ორდენი
• საქართველოს დამსახურებული ინჟინერი